20. Osasun Jardunaldiak: Emakumeak eta Osasuna
4.0 Fibromialgia Kuestionatzen
Egilea: Oier Gorosabel
FisioLan taldea
Sarrera
Gero eta gehiago entzuten dira gure inguruan fibromialgia diagnostikoak. Lehenengo inpresioan, izurrite baten itxura hartu diezaiokegu, beldurgarria gainera: inork ez daki-eta zerk sortzen duen, ezta bere kontrako tratamendu egokirik. Aurkezpen honetan, fibromialgia existitzen ez dela frogatzen saiatuko gara. Gehiago dela bai paziente eta bai osasun profesionalok bultzatuta “sortu” behar izan den sindromea, gero eta ugariagoa den molestia sorta zabal bat nolabait izendatzearren. Gero eta paziente gehiago daude gorputzeko min orokor, neke, bizitzeko gogo faltaz kexatu eta osasun zerbitzuen partetik soluzio bat jasotzen ez dutenak. Paziente hauek medikoz mediko pasatzen dira “ez daukazu ezer”, “erradiografiak ondo daude", “zurea asmakizun bat da”, “TAC honetan ez da ezer ikusten” eta halakoak entzuten. Eta hala da: froga objektiboetan ez da ezer azaltzen, baina eurak mina dute. Txarto sentitzen dira. Zer gertatzen da?
Metodoak
Powerpoint baten bitartez, fibromialgiaren bertsio ofiziala (AEBetako Reumatologia Elkargo Ofiziala) eta zentzunak dioskuna alderatuko ditugu.
Emaitzak
Fibromialgia diagnostiko eta tratamendu arruntaren aldean, pazientearen osasun psikofisikoaren azterketa sakona proposatzen dugu. Tratamendu mailan, garrantzi berezia ematen diogu pazientearen beraren inplikazioari, osasun profesionalondako bigarren mailako papera aldarrikatuz (laguntzailearena, alegia).
Azken Berriak
Desobedientzia praktikatzen: elkarrizketa EHEko Gorka Torreri
Osagaizen ale berezia kalean: Pediatria Topaketak
