20. Osasun Jardunaldiak: Emakumeak eta Osasuna
4.0 Osteoporosiaren aurkako sendagaien kontsumitzaileak, preskripzioak eta preskribitzaileak
Egileak: Ina Idarreta , Vittorio Tapiz , Asun Isasi , Koro Zabaleta , Anton Aldanondo , Jabi Hernando
Tolosako Osasun Zentroa
Helburuak
Osteoporosiaren aurkako sendagaien (OPS) kontsumitzaileen eta preskripzioen ezaugarriak jakitea.
Metodoak
- Zeharkako ikerketa. - Gipuzkoa Mendebaldeko Lehen Mailako Asistentziako 34 kupo. - 14 urtetik gorako pertsonak, urtebetean zehar 1673 OPS hartzaileren artean ausaz hautaturikoak. - Elkarrizketa klinikoan eginiko galdeketa betetzea, historia klinikoko datuekin osatua. - Neurgailu nagusiak: arrisku-faktoreak (AF), sendagaiak, hezur dentsitometria (HDM), preskriptoreak, haustura-arriskua.
Emaitzak
512 lagunek 898 OPS hartu zituzten. %90,6 emakumeak ziren. Batez besteko adina 68.9 urtekoa zen. %24,6ak bazituen aurretiko haustura-aurrekariak 50 urte bete eta gero, eta %21,5 emakumeren ugaltze-aldia 30 urtekoa baino txikiagoa zen. %50,4 HDM duna zen, eta horietako %52,8a osteoporotikoa. HDM eskaeretan, 3tik 1 justifikatu gabe legoke. Gehien aginduriko sendagaiak hauek izan ziren: kaltzioa (%53,4) –D bitaminarekin edo gabe- eta ondoren, bifosfonatoak (%33,95). Batez ere Erreumatologiak (%29,2), Traumatologiak, Ginekologiak eta Lehen Mailako Asistentziak (,4) egin zuten preskripzioa. Preskripzio hauetatik %30,6k ez zuen ebidentzian oinarririk. Blackek dioenez, haustura-arriskua altua izan zen %23,8±3,9n (%37,8 Lehen Mailako Asistentzian, %0 Ginekologian).
Ondorioak
HDMak, arrisku faktoreek edo haustura arriskuek tratamendua gomendatzen ez duten arren, sarritan sendagaiak agintzen dizkiegu arrisku txikia duten pazienteei. Ezinbestekoa da irizpideak estandarizatzea patologia hau zentzuz kudea dezagun.
Azken Berriak
Osasunari buruzko udako ikastaroak
Hizkuntzalaritza Klinikoko II. Jardunaldia
