20. Osasun Jardunaldiak: Emakumeak eta Osasuna
4.0 Amaren esnea eta esne artifiziala
Egileak: Ainara Barinagarrementeria , Jone Aretxederreta
Bermeoko Osasun Zentroa
Sarrera
Umea jaio eta berehala gurasoek bularra edo esne artifiziala ematearen artean aukeratu behar dute. Horretarako, gurasoek bi elikadura moten onurak eta eragozpenak ezagutzea garrantzitsua da. Osasunerako Mundu Erakundeak (OME), haurra lehenengo sei hilabeteetan bularraren bidez bakarrik elikatzea gomendatzen du, eta ondoren beharrezkoa dela gurasoak ospitaleetan eta Lehen Mailan gai honi buruz heztea. Lan honekin batera gure osasun zentroan ematen den joera aztertu nahi dugu emakume hauen egoera psikosoziala kontutan izanik
Metodoak
Lan hau datu bilketaren bidez eginiko ikerketa deskriptiboan oinarritzen da. Lan honi dagokion biztanle kopurua 849 haurretakoa da eta hauetariko 57 haurrek osatzen dute gure lagin kopurua. Lan honetan parte hartzeko irizpideetariko bat 2006-2007an jaioa izatea da. Aztertutako aldagaien artean honako hauek daude: bularra edo biberoia aukeratzea eta aukeraketa honen arrazoia.
Emaitzak
Lagineko emakumeen %71k bularra aukeratu dute euren semea elikatzeko. Esne artifiziala aukeratu dutenen artean %46a amaren aukeraketa pertsonalagatik izan da. Bularra ematen dutenen %61ak laugarren eta seigarren hilabeteen artean uzten diote egiteari, hauetariko %61a ama lanean hasten delako eta %30a erosotasunagatik.
Ondorioak
Haurrak izan dituzten emakumezko gehienek amaren esnea aukeratu dute beraien semeak elikatzeko. Bularra emateari uztearen arrazoi nagusienetariko bat ama bere lanpostura itzultzea da. Bestalde esne artifiziala erosotasunagatik aukeratu duten emakumeak ere aurkitu ditugu. Emakume hauen kopurua jaitsi ahal izateko garrantzitsua da gurasoei informazio egokia ematea. Era honetan, gurasoek libreki erabaki dezakete bere haurra nola elikatu.
Azken Berriak
Karlos Ibarguren eta Miren Altuna: Euskara: ukendua zauriarentzat
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
