20. Osasun Jardunaldiak: Emakumeak eta Osasuna
5.0 7-lupus eta haurdunaldi unitatea
Egileak: Olaia Fernandez , Natalia Rivera , Eduardo Ucar , Jose Miguel Aranburu , Jose Manuel Gorordo , M. Luz Garcia
Erreumatologia Zerbitzua. Basurtuko Ospitala. Bilbo
Sarrera
Lupus Eritemaso Sistemikoak (LES) eta Sindrome Antifosfolipidoak (SAF) ume galtzeen, heriotz fetalen eta haurdunaldiko konplikazioen maiztasuna handitzen dituzte.
Helburuak
Kasu hauen identifikazioa eta Unitate espezializatu batera bidaltzea behar duten arreta jaso dezaten.
Metodoak
LES duten 74 emakumeen eta SAF duten 9 emakumeen sailaren errebizioa egiten dugu gure Lupus eta Haurdunaldi Unitatean, ezarritako protokoloa jarraituz.
Emaitzak
Lupuseko taldean 129 haurdunaldi eman ziren (umeen %90.7a bizirik jaio zen, %9.3 ume galtze). Unitatean jarraituta izan aurretik, 74 emakumeen artean 94 haurdunaldien berri eman ziguten, multzo horretan, %44.7 abortu egon zirelarik. SAF primarioaren taldean 8 haurdunaldi bukaeraraino heldu ziren (%88.9 bizirik jaio ziren, .1 galtze), Unitatetik kanpo izandako 6 haurdunaldietatik 0a umearen galera suposatu zuen. LES zuten 47 haurdunek antiagregazioa behar izan zuten eta horien artean, 16 antikoagulatu behar izan ziren ere. SAF primario aurkezten zuten 9 pazienteetatik, lauk heparina eta Aspirina jaso zuten eta beste lauk Aspirina bakarrik. 138 haurdunaldien artean, hauexek izan ziren konplikazio maizenak: utero barnean fetuaren hazkuntza atzeratua, ume galtzeko mehatxua eta infekzio arinak. Maiztasun txikiago izan zuten baina larriak izan ziren honako hauek: 2 preeklampsia kasu, bihotz blokeo bat eta beste ductus arteriosus bat. Azken hauen kasuan, bi haurdunek anti-Ro antigorputzak zituzten. %76.4 erditze baginalak izan ziren.
Ondorioak
-Ume galtzeen tasa LES edo SAF duten emakumeen artean handiagoa da. -Anti-Ro eta anti-La autoantigorputzak dituzten fetuek, bihotz konplikaziok izateko arrisku handiagoa dute. Paziente hauen kontrola, tratamendua eta haurdun geratzeko epealdi hobezinaren hautaketa ezinbestekoak dira. Horrela, ume galtze arriskua era esanguratsuan gutxitzen da.
Azken Berriak
Karlos Ibarguren eta Miren Altuna: Euskara: ukendua zauriarentzat
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
