20. Osasun Jardunaldiak: Emakumeak eta Osasuna
5.0 10-Blokeo parabertebrala, anestesia teknika gisa, erradiologia bidezko markaketarekin egindako bularreko biopsietan
Egileak: Aitziber Etxebarria , Zuriñe Lauzirika , Unai Ortega , Pilar Macua , Javier Aguirre , Sorkunde Telletxea
Anestesia eta Bizkortze Zerbitzua. Galdakao-Usansolo Ospitalea.
Helburuak
Erradiologia bidezko markaketarekin egindako bularreko biopsietan blokeo parabertebralaren eraginkortasuna ikustea. Ebakuntza ondorengo hamabi orduetan analgesia beharrak neurtzea.
Metodoak
Torax mailan (T2, T3 edo T4 lesioa kokatzen den tokiaren arabera) ziztada bakarrarekin blokeo parabertebrala egiten da anestesiko lokalarekin (ropivacaína %0.75 15-ml), bularreko lesio neoplasikoa susmatzen den hamabi pazientetan. Prozedurak irauten duen bitartean pazienteak propofolarekin sedatzen dira erosoago egon daitezen. Ebakuntza ondorengo mina neurtzen da 30, 60, 90 minutura, eta 6 eta 12 ordura.
Emaitzak
Teknika arazorik gabe egiten da hamaika pazientetan, kasu bakarrean ziztada hematikoa. Ebakuntzak guztiak ezustekorik gabe bukatzen dira, eta paziente gehienek ondo jasaten dute. Kasu bakarrean anestesia orokorra behar da teknikaren hutsegiteagatik. Hamar kasutan -ikus eskala analogikoan- hirutik beherako emaitza (EVA < 3) jaso zen aipatutako denboretan. Kasu batean pazienteak antiinflamatorioak behar izan zituen ebakuntza ondoren bi ordura eta bestean sei ordura.
Ondorioak
Blokeo parabertebrala anestesia teknika eraginkorra da erradiologia bidez markaketarekin egindako bularreko biopsia kirurgian. Ondo jasaten den teknika da, arazo gutxirekin. Kasurik gehienetan blokeo honekin ebakuntza ondorengo hamabi orduetan analgesia egokia lortzen da.
Azken Berriak
Osagaizen ale berria kalean da!
ELAk arreta euskaraz bermatzeko eskatu dio Osakidetzari
