20. Osasun Jardunaldiak: Emakumeak eta Osasuna
5.0 18-Erditzeen banaketa urtaro, hilabete, asteko egun eta eguneko orduetan zehar
Egileak: Ainhoa Azkuenaga , Iratxe Vázquez , Judith Silva , Iratxe Ocerin , Leire Laza , Jorge Burgos
Gurutzetako Ospitalea, Barakaldo, Bizkaia
Sarrera
Urtaro, hilabete, asteko egun eta eguneko orduetan zehar erditzeen banaketa aztertzea du helburu gisa ikerketa honek.
Metodoak
Gurutzetako Ospitalean 1987 eta 2007 urteen artean jazotako haurdunaldi sinpleen eta ≥ 24 aste eta ≥ 500 g.-ko jaioberri bizien 117.017 erditze berrikusten dira. Erditze kopurua ikertzen da urtaro, hilabete, asteko egun eta eguneko orduen arabera. Talde bakoitzaren barnean estatistikoki esanguratsua den aldaketarik dagoen aztertu da.
Emaitzak
Ikertutako elkarketa denborak kontuan izanik, erditzeen banaketa egonkor mantentzen da. Hilabeteak aztertuta, hileroko batez besteko erditze kopurua 464 da, maiatza izanik erditze kopuru gehien dituen hilabetea. Erditze kopuru handiena duen asteko eguna asteartea da, eguneko batez bestekoa 15 erditze izanik. Orduka, banaketa antzekoa da, batez bestekoa 0.6 erditze/ordu izanik, eta erditze gutxien gertatzen deneko ordua 22:00ak dira. Erditze kopuruaren banaketari dagokionez, ez da estatistikoki esanguratsua den aldaketarik aurkitu ikertutako talde bakoitzean.
Ondorioak
Ordu, egun, hilabete eta urtaroetan zehar erditzeen banaketak ez dauka aldaketa esanguratsurik eta banaketa homogeneo bat jarraitzen duela dirudi.
Azken Berriak
Desobedientzia praktikatzen: elkarrizketa EHEko Gorka Torreri
Osagaizen ale berezia kalean: Pediatria Topaketak
