20. Osasun Jardunaldiak: Emakumeak eta Osasuna
5.0 19- Streptococcus agalactiaerengatiko haurdunen kolonizazioaren frekuentzia eta sepsisaren intzidentzia jaioberriengan
Egileak: Andere Eguireun , Joxe Mari Manterola , Jesus Alustiza , Yolanda Salicio , Pablo Oliver , Carmen López
Mendaro Ospitalea. Pediatria. Mikrobiologia; Donostia Ospitalea. Mikrobiologia
Sarrera
Streptococcus agalactiae jaioberrien infekzio goiztiarraren eragile ohikoena da. Kolonizatutako amek mikroorganismoa transmititzen diete jaioberriei. Hau ekiditeko kolonizaturik dauden emakume hauek erditzean antibiotikoarekin tratatzen dira
Helburuak
Haurdunen kolonizazio portzentajea eta jaioberrien sepsi intzidentzia ezagutu Debabagoiena komarkan.
Metodoak
Haurdunaldiaren 33-35. astean S. agalactiae azterketa bagina eta ondesteko laginetan. Jaioberrien sepsi eta amaren sepsiaren atzera begirako azterketa.
Emaitzak
2004 eta 2009 artean 3659 emakume erditu ziren. Eramaile egoera aztertu zen 3144rengan (% 86). Hauetatik 493 (% 15,7) S.agalactiaek kolonizaturik zeuden. Urte hauetan jaioberrien sepsis goiztiar 1 egon da eta sepsi berankor 1, lehenaren intzidentzia tasa 1.000ko 0,27 izan da eta bigarrenarena 1.000ko 0,27. Haurdun guztien artean, erditzean emakume batek aurkeztu zuen bakteriemia. Sepsia izan zuten jaioberri 2 hauen amek kolonizazio azterketa negatiboa zuten.
Ondorioak
Haurdunen kolonizazioa % 15,7 eta jaioberrien sepsi intzidentzia 1.000ko 0,54 da.
Azken Berriak
FEUS Elkartearen 30. urteurrenaren ekitaldia
UEUk Artizarra sare sozial berritua sareratu du
