20. Osasun Jardunaldiak: Emakumeak eta Osasuna
5.0 22-Lagunduriko ugalketa tekniken ondorioak
Egileak: Judith Silva , Maider Andrés , Iratxe Vázquez , Leire Laza , Iratxe Ocerin , Olga Ramón
Obstetrizia eta Ginekologia Zerbitzua. Medikuak. Gurutzetako Ospitalea
Sarrera
Azkenaldian Lagunduriko Ugalketa Teknikak abiada handiz ari dira garatzen eta bere erabilera asko handitu da gizartea pairatzen ari den aldaketagatik. Honek alboko ondorioak dakartza: obulutegien hiperestimulazio sindromea eta haurdunaldi anizkoitzen gehitzea, beste batzuen artean. Azken honi buruz arituko gara oraingoan.
Metodoak
Gurutzeta Ospitalean 2008. urtean Lagunduriko Ugalketa Tekniken ( intseminazio artifiziala eta In Vitro ernalketa –ICSI) ondoriozko haurdunaldi anizkoitzen emaitzak aztertu nahi ditugu.
Emaitzak
Intseminazio artifizialaren bidez lortutako haurdunaldi anizkoitzen tasa jaistea lortu da, pazienteak gehienez 3 folikulu heldu dituztenean intseminatu direlako. Neurri honek, ordea, haurdunaldien tasa jaitsarazi du. Beste alde batetik, In Vitro ernalketa eta ICSIren bidez lortutako haurdunaldien tasa mantendu egin da haurdunaldi anizkoitzena txikituz, gehienez 3 enbrioi baino transferitzen ez direlako. Kalitate oneko bi enbrioi aukeratzen baditugu transferentzia egiteko haurdunaldien tasa handitzen dela ere ikusi dugu.
Ondorioak
Haurdunaldi anizkoitzen tasa jaistea lortu da estimulazioen kontrol hobea egin delako eta ziklo bakoitzeko transferitu diren enbrioi zenbakia txikitu delako.
Azken Berriak
EHUren udako ikastaroa osasunaz: Narratiba eta osasuna: Nola sortu osasuna eraikitzen duten istorioak?
UEUk udako ikastaroak aurkeztu ditu
