21. Osasun Jardunaldiak: Ikerkuntza: ezagutzatik ekintzara
Esterilizazio histeroskopikoa eta giza ugaltzea laguntzeko teknikak
Egileak: Aintzane Rabanal , Elena Urquijo , Santiago Diez Lazaro, Iñaki Brouard , Begoña Prieto , Roberto Matorras
Gurutzetako Ospitalea - Obstetrizia eta Ginekologia Zerbitzuak
Sarrera
SARRERA Gure inguruan, antzutasuna intzidentzia nabariko osasun arazoa bihurtu da eta bere tratamendurako erabiltzen diren giza ugaltzea laguntzeko teknikak tratamendu gero eta lehentasunezkoagoak dira. Giza ugalketa in vitro teknikari dagokionean, falopioren tronpen gaixotasunek agindu klasikoa izaten jarraitzen dute. Hidrosalpinx-a tronpen distortsio anatomiko eta funtzio galtzearen ondorio zuzena da. Zehazki, tronparen barruan jariapen akumulazioari esaten zaio. Gaur egun, hidrosalpinxaren eragin negatiboa, giza ugaltzea laguntzeko tratamenduen emaitzetan ondo ezaguna eta probatua dugu, nahiz eta prozesu fisiopatologiko zehatza ezezaguna izan. Hala ere, ugalketa laguntzeko tekniken emaitzetan daukan eragin negatiboa neutralizatzeko modua argi dago: umetoki eta hidrosalpinx arteko komunikazio etetea, hau da, tronpa barruan dauden sekrezio eta endometrio edota enbrioi arteko kontaktu zuzena galaraztea. Helburu hau lortzeko tratamenduen artean, lehenengo aukerak laparoskopia bidezko kirurgia izaten jarraitzen du. Azkenengo urteotan, beste teknika eta bideak proposatu izan dira. Bide berri hauen artean nabarmenena histeroskopia bidezko esterilizazioa dugu, tronpa barnean ezartzen den dispositibo baten bidez.Helburuak
Histeroskopia bidezko esterilizazioak hidrosalpinxaren tratamendu bezala daukan eraginkortasuna aztertzea, zehazki, honen eragina giza ugaltzea laguntzeko tekniken emaitzetan.Metodoak
Lan kliniko prospektiboa dugu. Guztira 17 kasu kliniko barne hartu dira. Kasu guztiotan hurrengo inklusio irizpideak erabili dira: antzutasun diagnostikoa eta in vitro ugalketa laguntzeko teknika agintzea, ekografia bidez diagnostikatutako hidrosalpinxa eta kirurgia bidezko tratamendua egiteko debekua.Emaitzak
Kasu guztietan histeroskopia bidezko esterilizazioa egin da, Ospitale inguruan eta unitate espezializatuan. Esterilizazioak arazo tekniko edota konplikaziorik gabe egin dira. Guztira bost haurdunaldi izan dira, burutu izan diren ugalketa laguntzeko in vitro tratamenduetan.Ondorioak
Nahiz eta ikerketa eta datu gehiago beharrezkoak diren, histeroskopia bidezko tratamendua, aukera erabilgarria izan daiteke, ugalketa teknika aurretik zuzendu behar diren hidrosalpinxen tratamenduetan.Azken Berriak
Karlos Ibarguren eta Miren Altuna: Euskara: ukendua zauriarentzat
Berria egunkarian Miren Altuna eta Karlos Ibarguren medikuak elkarrizketatu ditu, euskarak osasun zerbitzuetan duen garrantzia hobeto ezagutzeko
Elkarrizketa osoa: Euskara ukendua zauriarentzat
ALTUNA: Egoiliarra nintzen Iruñean...
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
EHEk eta EHUk lan bat egin dute elkarrekin, osasun profesionalak eta euskal pazienteen arteko harremanei buruz gogoeta egiteko.
«Euskaraz artatu nautenetan, eskertu egin dut, eta konfiantza handiagoko eremu batean sentitu dut neure burua»....
