Helburuak

Azken 20 urteotan Gurutzetako Ospitalean izandako haurdunaldi anizkoitzen maiztasuna aztertzea.

Metodoak

1999 eta 2009 urteen artean gure ospitalean izandako haurdunaldi anizkoitz guztiak atzera begirako ikerketa baten bidez aztertu dira. Haurdunaldi bikoitz, hirukoitz eta laukoitzetan sailkatu ditugu. Gurutzetako Ospitaleko erregistro perinataletik lortu dira datuak.

Emaitzak

Haurdunaldi anizkoitzen tasa %2,1 izan da (2.322 kasu). Hauetatik %93,5 (2.297) bikoitzak izan dira, %6,2 hirukoitzak (153) eta %0,3 laukoitzak (6). Urte tarteetan taldekatzen baditugu, 1990tik 1999ra bikoitzen tasa %1,55 izan zen, %0,09 hirukoitzena eta %0,005 laukoitzena. 2000 eta 2009 urteen artean, haurdunaldi bikoitzen tasa %2,48 izan zen, %0,16 hirukoitzena eta %0,004 laukoitzena. 35 urteen gainetik eta azpitik emakumeen haurdunaldi anizkoitzen tasa bi hamarkadetan konparatzen badugu (1990-1999 vs 2000-2009), bikoitzen tasa %1,5etik %2ra igo dela ikus dezakegu 35 urtetik beherako emakumeengan, eta %2tik %3,5ra 35 urtetik gorakoetan. 35 urte edo gehiagoko emakumeen kopurua ,1 izan zen 1990-1999 urteen artean eta %33 2000-2009 artean.

Ondorioak

Haurdunaldi anizkoitz gehienak bikoitzak dira. Azken 20 urteotan bai haurdunaldi anizkoitz zein haurdunaldi bikoitzen tasa bikoiztu egin da, 35 urtetik gorako emakumeegan, ziur asko, lagunduriko ugalketa teknikei esker.