22. Osasun Biltzarra: Osasun-langileon erronka berriak
5.2. Arrisku-faktoreen kontrola gaixoen mobilizazioak langileengan sortutako gaitzetan
Egileak: Iciar Muñoz Martin, M. Arritokieta Unanue Ibañez, M. Aranzazu Errazkin Ugarte, Carlos Fernandez Tellez, Ester Vaquero Saez
Osakidetza. Debagoieneko Erakunde Sanitario Integratua.
Sarrera
Osasunbideko langileen osasuna zaintzeko berauen lan baldintzak aztertu ditugu, zehazki gaixoen mobilizazioan dauzkaten baldintzak. Datuak biltzeko bi iturri izan ditugu: langileen osasunaren zainketan lortutakoak eta lan istripuen analisia. Hauen arabera, mobilizazioak erizainek eskuz eginak izaten dira gehienetan, eta honen ondorioz, ohikoak dira gehiegizko esfortzua egiteak eragindako istripuak.Helburuak
Gaixoen mobilizazioa modu egoki batean egitea bultzatu nahi dugu, modu honetan gehiegizko esfortzuak eragindako kalteak gutxitu eta lan baldintzak hobetuko direlakoan.Metodoak
Lan talde heterogeneoa sortu zen: erizainak, zerbitzu ezberdinetako gainbegiraleek, zelari arduradunak eta lan-osasuneko zerbitzuak. Lan talde bakoitzaren beharrak eta gaixoen mobilizazioan dauden arrisku-faktoreak (taldeak, antolaketa …) aztertu ziren. Hemendik landu beharreko lau puntu estrategiko ondorioztatu ziren: Langilea Gaixoa Lanaren antolaketa Lantokia eta lan baliabideakEmaitzak
Jasotako datuak aztertu ondoren honako proposamenak egin dira: Gaixoaren mobilizazioari buruzko protokoloak sortu eta ezarri. Honetaz gain, gaixoaren zainketa-planean erabili beharreko teknika zehaztuko da. Jakintza hauek, arlo ezberdinetako langileen hezkuntza planetan barneratu. Eginkizun honetarako behar diren lan-tresnen erosketa plangintza egin. Rol eta funtzioak argitu. Langilearen osasunaren jarraipena hobetu, bere lanpostura hobeto egokituz.Ondorioak
Gaixoen mobilizazio on baterako beharrezkoa da lan-baldintza egokiak izatea. Hauek, lehen aipaturiko puntu estrategikoekin erlazionaturik daude, beraz, mobilizazio egokia lortzeko aurrez aipaturiko gai guztiak era bateratu batean landu behar dira. Gako – hitzak : Gaixoen mobilizazioa, lan baldintzak, gehiegizko esfortzua.Azken Berriak
Pizkundea: abenduaren 27an denok Bilbora
Euskararen Kontseiluak bilkura handi bat egitera deitu du abenduaren 27an.
Euskaltzaleon indar eta batasunaren erakustaldi bat egiteko
Euskarak eta euskal hiztun komunitateak bizi dugun larrialdi linguistikoaren aurrean, zain gelditu baino, ...
Iñaki Peña: “Heriotza eta dolua: bizitzaren islak”
Osatuberri aldizkarian Iñaki Peñari elkarrizketa egin diote, heriotza eta doluaren gainean:
"Heriotza bizitzaren parte saihestezina da, baina gizarte modernoan sarritan baztertu eta ezkutatu egiten da. Beldurrak, tabu sozialek eta ...
