22. Osasun Biltzarra: Osasun-langileon erronka berriak
5.8. Nursing Activities Score eskala bidezko erizainen lan antolaketa zainketa intentsiboetan
Egileak: Miren Auzmendi Irazoqui, Ikerne Uria Uranga, Alazne Iribarren Martin, Erika Badiola Saralegui, Maialen Echepetelecu Hernando, Goiatz Etxabe Unanue, Maitane Bergaretxe Bengoetxea
Osakidetza. Donostia Unibertsitate Ospitalea. Zainketa Intentsiboen Unitatea.
Sarrera
Erizainen lan karga baloratzeko eskalek gaixoen sailkatzea eta lan kopurua neurtzea ahalbidetzen dute eta Zainketa Intentsiboetako Unitate (ZIU) batek behar dituen erizainak zehazteko baliagarriak ere badira. Nursing Activities Score (NAS) sistemak ZIUn ematen den zerbitzu orokorra aztertzen du erizainen betebeharretan arreta jarriz. ZIUko erizain lan karga zenbatu ahal izateko NASak 23 item ditu. Jarduera bakoitzari puntuazio zehatz bat emanez, erizainak gaixo horrekin 24 ordutan izandako lan karga islatzen du. Modu honetara, item bakoitzak lortzen duen puntuazioa denbora portzentaje modura ulertu behar da, gaixoari eskainitako denbora osoa, aldiz, erregistraturiko item guztien batura moduan.Helburuak
NAS erabiliz erizainen lan karga eta hauen egokitzapena neurtu bi ZIUtan.Metodoak
Aurrera begirako balio anitzeko bi ZIUn eginiko ikerketa: Donostia Ospitale Unibertsitarioa (DOU) (10 ohe) eta Fundación Alcorcón Ospitale Unibertsitarioa (FAOU) (12 ohe), 2011ko urria eta azaroa bitartean burutua bai batean zein bestean. ZIUetan, egunero, gaixo guztien ondorengo datuak bildu ziren: NASen araberako erizainen lan karga, eguneroko gaixo kopurua eta txanda bakoitzean zegoen erizain kopurua.Emaitzak
Guztira NASaren 941 emaitza jaso ziren, 103 gaixori zegozkienak (37 DOUri eta 66 FAOUri) hurrenez hurren. Ezberdintasun nabariak aurkitu ziren ondorengo alderaketak egiterakoan: unitateen arteko NAS orokorrean, gaixo kopuruari egokitutako NAS orokorrean eta txanda bakoitzean erizainek bere gain harturiko NASean (guztiak p< 0,001).Ondorioak
NAS, araupetutako erreminta izaki, zenbatu daitezkeen zaintzak neurtzen ditu eta baliagarria da, hala lan karga neurtzeko, nola erizaintzaren giza baliabideen optimizaziorako. Ildo honetatik, garrantzitsua da neurketaren irizpideak arautzea, ZIUetako erizainen giza baliabideak eskala honen arabera zehaztu ahal izateko.Azken Berriak
Karlos Ibarguren eta Miren Altuna: Euskara: ukendua zauriarentzat
Berria egunkarian Miren Altuna eta Karlos Ibarguren medikuak elkarrizketatu ditu, euskarak osasun zerbitzuetan duen garrantzia hobeto ezagutzeko
Elkarrizketa osoa: Euskara ukendua zauriarentzat
ALTUNA: Egoiliarra nintzen Iruñean...
Jon Zarate Sesma: «Lehentasuna da babesa ematea beren lana euskaraz egingo duten osasun profesional horiei"
EHEk eta EHUk lan bat egin dute elkarrekin, osasun profesionalak eta euskal pazienteen arteko harremanei buruz gogoeta egiteko.
«Euskaraz artatu nautenetan, eskertu egin dut, eta konfiantza handiagoko eremu batean sentitu dut neure burua»....
