Helburuak

Goiko digestio aparatuko hemorragiaren intzidentzia, klinika eta tratamenduaz gain, Helicobacter pylorik duen garrantzia aztertu da.

Metodoak

- Azken zazpi urteetako atzera begirako analisia: 2004tik 2011ra egin diren laparoskopia bidezko bypass gastrikoen konplikazioen analisia burutu da, goiko digestio aparatuko hemorragia aztertzeko. Guztira 93 bypass egin dira. - Goiko digestio aparatuko hemorragiaren intzidentzia, kausa, klinika eta tratamenduaren analisia eginda. - Helicobacter Pyloriren eragina, ureasa proban oinarrituta gastroskopia teknika bidez, kirurgia aurretik eta konplikazioak agertzean.

Emaitzak

Guztira 93 bypass egin dira; goiko digestio aparatuko hemorragia 3 kasutan agertu da. 3 kasuak abdomeneko minagatik etorri dira Larrialdietara. Bik melenak kontatzen dituzte eta besteak hematemesia. Diagnostikorako erabili dugun teknika, gastroskopia izan da, ureasa proba eginez: 2 kasuetan hemorragiaren arrazoia urdaileko ultzera izan dela ikusi da, ureasa proba positiboa izan delarik. Hirugarren kasuan ordea, ez da ezer aurkitu. Kirurgia aurretik 3 kasuetan ureasa proba negatiboa izan da. 3 kasuetan tratamendua kontserbadorea izan da: kasu guztietan PBI (-ak) erabili dira, baina kasu batean, eskleroterapia ere erabili da lesioa tratatzeko. Helicobacter Pylori positiboa izan den bi kasuetan, tratamendu erradikadorea egin da.

Ondorioak

- Goiko digestio aparatuko hemorragia oso konplikazio arraroa da, kasuen %3k soilik agertzen da. Honetaz gain, berantiarra da, lehen hiru hilabeteetan agertzen da eta. - Diagnostiko (gastroskopia) eta tratamendurako teknika egokiak ditugu. - Kasu honetan, kirurgia aurreko ureasa probak ez duela eraginik ikusi da.