23. Osasun Biltzarra: Haurtzarotik Gaztarora...
4.3 Ariketa fisikoak eragindako anafilaxia
Egileak: Miriam Garmendia Elizalde, Lizar Aguirre Pascasio, Ainhoa Zabaleta Rueda, Eva Tato Eguren, Catalina Gema Mayor Guerra, Marta Del Hoyo Moracho, Janire Vicarregui Olabarrieta
Haur alergologia. Pediatria zerbitzua. Txagorritxu ospitalea
Sarrera
Ariketa fisikoak eragindako elikagaiagatiko anafilaxia patologia berri samarra da. Paziente gehienek frutuei eta barazkiei diete alergia. Gehienetan gazteei eragiten die.
Helburuak
Horri dagokionez, haur alergologiako kontsultan ikusitako paziente baten kasua aurkeztu nahi dugu.
Metodoak
Ariketa fisiko bizia egiten ari zela, betazaletako edema, urtikaria, tripako mina eta okada izan zituen. Larrialdi Zerbitzuan, muskulubarnetik adrenalina jarri ondoren, sintomak arindu zitzaizkion. Ariketa fisikoa egin aurreko orduetan, patata tortilla eta sagarra jan zituen. Aurretik elikagai hauek guztiak jaten zituen. Pazienteak, dermatitis atopikoa izan ezik, ez zuen beste aurrekari garrantzitsurik.
Emaitzak
Arraultzarekiko eta sagarrarekiko alergiaren azaleko probek (PRICK eta PRICK+PRICK) emaitza negatiboa eman zuten. Odol analisiak (IgE espezifikoa) positiboa eman zuen fruitu errosazeoentzat, sagarrarentzat horien artean.
Ondorioak
Paziente hauek, ariketa fisikoa egin aurretiko edo egin ondorengo 4-6 orduetan, ez lukete alergia sortzen dien elikagairik jan beharko. Kirola egin ezean, ez dute sintoma alergikorik izaten, eta, beraz, elikagai hauek ez genituzke beren dietatik kendu beharko.
Azken Berriak
Sexu bidez transmititzen diren infekzioei buruzko saioa azaroaren 10ean
Azaroaren 5ean Inguma datu-basearen 25. urteurreneko ekitaldia egingo dute Bilbon
