28. Osasun Biltzarra: Komunikazioa - Inkomunikazioa
4.2 Organo-emaile eskaeren emaitzen analisia emaile motaren arabera.
Egileak: Amalur Guridi Mugica, Haizea Olasagasti Ruiz de Gauna, Felix Zubia Olaskoaga, Lander Atutxa Bizkarguenaga
Donostia Unibertsitate Ospitalea
Sarrera
Organo edo ehun-emaile izateko familiaren edo lege-ordezkarien baimena behar da. Organo edo ehun-emaile mota ezberdinak izanik (garun heriotzan, berpizterik izan ez den bat-bateko heriotza baten ondorengo asistolia ez kontrolatuan edo Maastricht II, aurreikusitako heriotza baten ondorengo asistolia kontrolatuan edo Maastricht III, kornea emaileak), hauen artean ukazio-mailak nolakoak diren aztertu nahi izan da.
Helburuak
2015 eta 2017 urteen artean Donostia Unibertsitate Ospitalean organo edo ehun emaile izateko hautagaien ordezkariei egindako elkarrizketen emaitzak aztertzea eta hauetatik baimena zenbatek eman duen aztertzea. Emaile mota ezberdinen arteko analisia egin da, hauen artean baimenen kopuruan desberdintasunik dagoen aztertzeko.
Metodoak
Ikerketa epea: 2015eko urtarrilaren 1 eta 2017ko abenduaren 31. Mota: aurrera begirako ikerketa deskribatzailea. Sarrera-irizpideak: Donostia Unibertsitate Ospitalean organo emaile izateko hautagai izan eta senide edo lege ordezkariei elkarrizketa egitea. Aldagaiak: elkarrizketaren emaitza, emaile mota (garun heriotza, Maastrich II, Maastrich III, kornea emaileak). Azterketa estatistikoa: emaile mota ezberdinen arabera ezezko kopurua ezberdina den aztertzeko, 4x2 taula batez, Χ karratu proba erabili da.
Emaitzak
2015 eta 2017 urteen artean 262 organo edo ehun emaile izateko balizko hautagai izan ditugu. Horietatik 213 elkarrizketatan baiezkoa jaso da, eta ezezkoen portzentaje orokorra %19koa izan da. Emaile mota ezberdinak kontuan hartuz gero, ezezko gehien jaso dituen taldea Maastrich III erako emaileena izan da (66 elkarrizketatik 15, %23), eta baita kornea emaileen taldea ere (33 elkarrizketatik 6, %18). Bestalde, ezezko gutxien jaso dituztenak Maastrich II (38 elkarrizketatik 4, %11) eta garun heriotza (113 elkarrizketatik 13, %12) egoerako emaileen taldeak izan dira. Emaitzen arteko ezberdintasuna estatistikoki esanguratsua izan da (p=0.026).
Ondorioak
Organo edo ehun emaile izateko aukerari ezezkoa ematen dioten talde ohikoenak Maastrich III eta kornea emaileen taldea izan dira. Maastrich II eta garun heriotza egoerako emaileen senide edo ordezkarien artean berriz, ezezko gutxiago jaso dira.
Azken Berriak
EHUren udako ikastaroa osasunaz: Narratiba eta osasuna: Nola sortu osasuna eraikitzen duten istorioak?
UEUk udako ikastaroak aurkeztu ditu
