Helburuak

Tratamendu  antidiabetikoaren  desintentsifikazio-proposamena  egin  eta  onarpena  neurtu.
Desintentsifikazio-proposamenak  onartuta  dituzten  egoiliarrei  4-6  hilabetetan  jarraipena  egin.

Metodoak

Ospitaleko  farmazia-zerbitzu  bati  atxikitutako  8  egoitzetan  egindako  azterketa  desakribatzaile  bat  da.  Historia  kliniko  elektronikoak  berrikusi  behar  izan  dira  inklusio-irizpideak  betetzen  zituzten  egoiliarretan  (>70  urte,  DM2,  antidiabetikoak  edukitzea,  Hemoglobina  glikosiltua  (HbA1c)  <%7  eta  endokrinologiako  zerbitzuaren  jarraipenik  ez  izatea)  eta  ondoren,  egoiliar  horien  jarraipena  egin  zen.
Aldagaiak:  adina,  sexua,  tratamendu  antidiabetikoa,  dementzia,  komorbilitate-kopurua,  Glomerularren  Iragazte-Tasa  (GIT),  HbA1c  aurre  eta  desareagotu-ostekoa.
Excel  bidez  aztertu  ziren  datuak.

Emaitzak

DM2ren  aurkako  tratamendua  zuten  130  egoiliarretatik,  77k  inklusio-irizpideak  betetzen  zituzten.  Berrikuspen  sakona  egin  eta  gero  66  egoiliarrei  tratamendua  desareagotzea  gomendatu  zitzaien.  34  (%51.5)  emakumeak,  batez  besteko  adina  84.03±6.81,  40  (%60.6)  dementziadunak,  44  (%66.6)  5  komorbilitate  edo  gehiago  zituzten  eta  batez  besteko  GIT  eta  HbA1c  67.22±19.37  eta  6.2±0.58  izan  ziren,  hurrenez  hurren.

Gomendioak  (n):  dosia  murriztu  (43),  botika  bat  kendu  (10),  bi  botika  kendu  (1),  3  farmako  gabe  utzi  (1)  eta  tratamendu  osoa  bertan  behera  utzi  (11)  izan  ziren.  Eta  onarpena  %89.4koa  (59)  izan  zen.

Desareagotzearen  aurretik,  farmako  antidiabetikoen  batez  besteko  kopurua  1.66  ±  0.97  izan  zen,  eta,  desareagotzearen  ondoren,  1.17  ±  0.91.

Desintentsifikatu  eta  4-6  hilabetera  43  pazienteren  jarraipena  egin  ahal  izan  zen  (4  egoiliar  hil  ziren  eta  12tan  oraindik  ez  dago  HbA1c-ren  emaitzarik).  Desareagotzearen  ondoren,  HbA1c  batez  bestekoa  %6.49  (%4.8-8.7)  izan  zen,  4  pertsona  bakarrik  helburu  terapeutikotik  kanpo.

Ondorioak

Farmazia-gomendioen  onarpen-ehunekoa  handia  izan  da  eta  pazientearen  segurtasuna  hobetzeko  aukera  bat  izan  da;  izan  ere,  ia  paziente  guztiak  (%90.7)  helburu  terapeutikoaren  barruan  mantendu  direlako  eta  farmakoen  kopurua  murriztu  delako,  eta  honen  ondorioz,  kontrako  efektuak  eta  interakzio  farmakologikoak  murrizten  dira.

Bibliografia

1.Diabetes  práctica  2023:  14(02):37-75.  doi:  10.52102/diabet.pract.2023.2.art3
2.2022ko  irailean  zabaldu  zen  SENDAGAIAK  ZENTZUZ  ERABILTZEKO  GOMENDIOEI  buruzko  oharra:  https://www.euskadi.eus/contenidos/informacion/uso_responsable_medicamentos/eu_def/adjuntos/8-B-hipoglucemiante.pdf