Helburuak

Familia-aldagaiak  (gurasoen  kontrol  psikologikoa)  eta  psikologikoak  (auto-errukia)  nola  lotzen  diren  nerabeen  elikadura  emozionalarekin  aztertzea,  genero-desberdintasunak  kontuan  hartuta.

Metodoak

Ausaz  hautatutako  Euskal  Autonomia  Erkidegoko  ikastetxeetako  980  gaztek  parte  hartu  zuten  (%  53  neskak),  13  eta  17  urte  bitartekoak  (M  =  15,32;  SD  =  0,93).  SPSS  28.0  erabiliz,  batez  bestekoen  arteko  aldeak  aztertu  ziren  generoaren  araberako  aldaketak  ebaluatzeko;  bestalde,  programa  erabili  zen  bitartekotza  estatistikoko  ereduak  planteatzeko.

Emaitzak

Neskek  joera  handiagoa  azaltzen  dute  elikadura  emozionalean;  mutilek,  berriz,  auto-errukiaren  maila  handiagoa  dute.  Emaitza  hauek  generoaren  araberako  erregulazio  emozional  ezberdina  adierazten  dute.  Gainera,  amaren  kontrol  psikologikoaren  eta  elikadura  emozionalaren  arteko  harremanean  auto-errukiaren  bitarteko  efektua  identifikatu  zen.  Bitartekotza-efektu  horrek,  mutilen  artean,  elikadura  emozionalaren  bariantzaren  %  30  inguru  azaldu  zuen,  eta  nesken  artean,  berriz,  %  24.  Honek  iradokitzen  du  amaren  kontrol  psikologikoak  elikadura  emozionala  iragartzen  duela  auto-errukiaren  murrizketaren  bidez.

Ondorioak

Etorkizuneko  esku-hartze  psikologikoetan  oso  garrantzitsua  da  gurasoen  dinamikei  eta  norbanakoen  arteko  desberdintasunei  heltzea,  nerabeen  osasun  emozionala  hobetzeko.  Ikerketa  honek  nerabeei  laguntzeko  estrategia  pertsonalizatuagoak  eta  eraginkorragoak  sortzeko  ikuspegi  integrala  eskaintzen  du.

Bibliografia

Barnhart,  W.  R.,  Braden,  A.  L.  eta  Price,  E.  (2021).  Emotion  regulation  difficulties  interact  with  negative,  not  positive,  emotional  eating  to  strengthen  relationships  with  disordered  eating:  An  exploratory  study.  Appetite,  158,  105038.  https://doi.org/10.1016/j.appet.2020.105038

Braden,  A.,  Anderson,  L.  N.,  Redondo,  R.,  Watford,  T.,  Emley,  E.  eta  Ferrell,  E.  (2021).  Emotion  regulation  mediates  relationships  between  perceived  childhood  invalidation,  emotional  reactivity,  and  emotional  eating.  Journal  of  Health  Psychology,  26(14),  2937-2949.  https://doi.org/10.1177/1359105320942860

Reichenberger,  J.,  Schnepper,  R.,  Arend,  A.  K.  eta  Blechert,  J.  (2020).  Emotional  eating  in  healthy  individuals  and  patients  with  an  eating  disorder:  Evidence  from  psychometric,  experimental  and  naturalistic  studies.  The  Proceedings  of  the  Nutrition  Society,  79(3),  290-299.  https://doi.org/10.1017/S0029665120007004