OEE osasun-alorrean euskara normalizatzen laguntzeko erreferentea da, besteak beste, garatzen dituen ekimenei esker: osasun-biltzarrak, Osagaiz osasun-zientzien aldizkaria, bertso-saio klinikoak, Agote saria, a, etab.

Zer eskaintzen dugu?

Osasun Biltzarrak. Elkarteak urtero gai bati buruzko osasun-biltzarra antolatzen du, eta bertan hainbat ekintza burutzen dira: hitzaldiak, tailerrak, eztabaidak, poster-erakusketak… Orain arte 23 jardunaldi egin dira eta, horiei esker, material asko sortu dugu gure lanean euskaraz jarduteko.

Osagaiz osasun-zientzien aldizkari zientifikoa. UEU eta OEEren artean egiten da eta 2017an jarri zen abian. Ikerleei irekita dago.

Agote Saria, osasunarekin lotutako hainbat ikasgaitan euskarazko testuen sormena eta argitalpena bultzatzeko sari honi esker, hainbat material didaktiko euskaraz sortu ahal izan da.

Bertso-saio klinikoak, modu ludikoan pazienteen historia klinikoak aztertuz diagnostikoa zein den asmatu behar da. Urtero Gipuzkoan eta Bizkaian antolatzen dira.

OEEberri elkartearen berripapera da eta hilero-hilero osasunari eta euskarari buruzko informazioa jaso dezakezu.

Webgunean fondo dokumental bat osatzen ari gara, osasun-biltzarretako hitzaldi, komunikazio eta poster guztiekin. Bertan, 500 agiri baino gehiago dituzu eta urtez gorantz doa. Fondoaz gain, beste informazio asko duzu eskura: osasunari eta euskarari buruzko albisteak, OEEberri eta Osakidetzako Osatuberri aldizkariak, euskara normalizatzeko Euskal Herrian egiten diren ekimen nagusiak, etab.

Harreman eta kanpainak: OEEk osasun-zerbitzuetan euskaraz egiteko aukera gehiago izateko, hainbat gestio egiten ditu eta, horrez gain, Donostian egin zen moduko “Euskaraz osasuntsuago” kanpainak, osasun-zerbitzuetan euskararen erabilera handitzeko.

Bazkide izatearen abantailak

Mediku, erizain edo osasun-alorreko profesional edo ikaslea bazara OEEn parte hartzeko aukera duzu.

Zure laguntzarekin Elkarteak zerbitzu gehiago eskaini ahal izango ditu eta lana euskaraz egiteko erraztasun eta baliabide gehiago izango ditugu denok.

OEEko kide izateagatik urteroko osasun-biltzarretan deskontua izaten da.

OEEko kide izateko, Idazkaritzarekin jarri harremanetan edo zuzenean ere egin daiteke, www.oeegunea.org-en, Elkartearen ataleko “Bazkide egin” eremuan sartuz eta datuak betez. Eta, urtero, 30 €-ko kuota txiki bat ordaintzea, besterik ez.

OEEren Idazkaritza 944 042 720  oee@oeegunea.eus

Azken Berriak

Aitor Montes (familia-medikua): "Osakidetzan xenofobiarik ez!"

Maiz gertatzen zait: albisteei erreparatu eta urduri jarri. La France revient, diote. Nola Le Penen Frantzia, hala espainiar xenofobia eta supremazismoa; pailazo puzgarriak bezala, behin eta berriro zutitzen dira. La merde revient. Entzun dugunez, Osaki...

Komunikazioak eta posterrak aurkezteko epea luzatuta irailaren 20ra arte

Osasun Biltzarrerako komunikazioak eta posterrak aurkezteko azken eguna irailaren 20ra arte luzatu dugu. Gogoratu biltzarra Zornotzan izango dela urriaren 25ean, “Botiketatik haratago” gaiari buruz. Askotariko gaiak ari dira agertzen, eta ma...

Berri +