2016ko Agote Saria
Agote Sariaren deialdia zabaldu da
2016-10-24
OEEk Agote Saria, osasunarekin lotutako ikasgai ezberdinen euskarazko testuen sormena eta argitalpena bultzatzeko sortu zuen. Sari hau antolatzeko LKSren eta Mondragon Healthen babes ekonomikoa jaso du OEEk eta hiruron arteko lankidetza da, beraz, antolatu dugun sariketa.
Testuek euskaraz idatziak izan behar dute eta 2016ko abenduaren 31 baino lehen lan osoaren aurrerapena bidali beharko da Sari honetan parte hartu ahal izateko.
Saria 2.400 eurokoa izango da, eta OEEk ahalegin berezia egingo du lan osoa aurkezten denean liburu bezala argitaratua izan dadin edo PDF formatoan interneten eskura egon dadin.
Informazio gehiago: Oinarriak 2016. Oinarrien informazio garrantzitsuena:
Egileak bat edo gehiago izan daitezke.
Lanak Orijinalak eta argitaratu gabeak izan behar dute. Puntu honekin bat ez datozen lanek sortu ditzaketen arazoen ardura egileena bakarrik izango da. OEEk ez du bere gain hartuko inolako erantzukizunik.
Gaur egun osasun-arloko ikasketa unibertsitarioetan ikasi beharreko ikasgai baten egitarau ofizialak jarraitzen dituzten lanek lehentasuna izango dute. Beraz ahal bada lanek ikasgai baten egitaraua osoa jasoko dute.
Lehenik lan osoaren proiektu bat aurkeztuko da eta saria lortuz gero 12 hilabeteko epean lan osoa aurkeztu beharko da.
.png)
Azken Berriak
FEUS Elkartearen 30. urteurrenaren ekitaldia
UEUk Artizarra sare sozial berritua sareratu du
