LA XXI Estrategiaren eta Kronikotasunari aurre egiteko Estrategiaren barruan, TRIAP proiektuak, Lehen Arretako Lan-taldeen barruan triajea sortzea proposatzen du efizientzia hobetzeko. Lan-taldea talde interdisziplinarra izango da, hau da, gutxi gorabehera 2 FAMILI MEDIKUK/PEDIATREK, 2 ERIZAINEK eta IDAZKARI batek osatua. Triaje bakoitzean herritarren osasun eskarien sailkapen egokia ere egingo litzateke.

Proiektu horren helburuak honako hauek dira:

-          Arreta eskariak sailkatzea, herritarren osasun beharrizanei erantzuna emateko.

-          Osasun zerbitzuak osasunbiderantz, autozainketarantz eta sendagai gaberantz bideratzea.

-          Lehen Arretako zerbitzu-taldeak garatzea (esku-hartze komunitarioan, kirurgia txikian, ekografietan, infiltrazioetan ...) ebazpenak hartzera bultzatuz.

-          Efizientzia hobetzea ACG/bisitaldietan, ACG/deribazioetan, eta ACG/osasun-aginduetan.

-          Gaixoen eta profesionalen satisfazio maila hobetzea banan-banako arretaren bidez.

Helburua: Osasun zerbitzuak osasunbiderantz, autozainketarantz eta sendagai gaberantz bideratzea. Prozesu Arin eta Mugatuen Erizaintza-arretaren bidez egingo dira (PAM: sukarra, ohiko marranta, eztarriko mina, beherakoa/gorakoa eta lunbalgia), hasiera batean administrazio-langileak detektatuko du eta gaixoek sendagairik behar ez dutenean egingo da.

 

2011ko maiatzetik Osakidetzako Barrualdeko Eskualdean diziplina anitzeko taldeek, hau da, famili medikuekin/pediatrekin, erizainekin eta idazkariarekin osatutako taldeek, hartzen dute parte interbentzioaren eraketan, hiru zentro pilotuek batera lan eginez, hau da:

-          Administrazio langileentzat helduen eta umeen flujogramak eginez.

-          Prozesu Arin eta Mugatuen Erizaintza-arretarako flujogramak eginez.

-          Prozesu Arin eta Mugatuen iradokizun-orriak eginez.

-          “Etxeko botikinaren” informazio-orria eginez.

-          Herritarrak informatzeko triptikoa eginez.

 

-          Flujograma administratiboak, osasun arrazoiak eta izapide eskariak konpontzeko edo bideratzeko eginak daude.

-          Helduen eta umeen Prozesu Arin eta Mugatuen Erizaintza-arretarako flujogramak.

-          Prozesu Arin eta Mugatuen iradokizun-orriak.

-          “Etxeko botikina” zer den eta edukiaren informazioa.

-          Arreta-modelo berriaren informazio-triptikoa herritarrentzat.

-          PAM prozesu berriak kudeatzeko LA Osabide erremintan sartutako formularioak eta lantzaderak.

-          Barrualdeko Eskualdean dauden zentroetan TRIAP proiektuaren aurkezpena beste lan-talde boluntario berrietan hasteko.

 

Antolaketa eredu honek, protokoloak erabiliz, eskariak modu efizientean banatzea lortu nahi du eta, era berean, banan-banako jarduera bultzatu nahi du Erizaintzaren bidez. Osasun promozio eta heziketa honek helburu bat dauka: herritarrek prozesu arin eta mugatuen aurrean gaixotasuna kudeatzen jakitea, medikuaren beharra ez dagonean eta sendagairik behar ez denean.