Sarrera

DDS protokoloa, liseri-aparatuko hautazko deskontaminazioa da. (Gaztelaniaz: Descontaminación Digestiva Selectiva). Protokolo hau, arnasketa mekanikoa duten gaixoengan barne-infekzioak saihesten dituen neurri estrategiko bat da. DDS-ak, antibiotiko desberdinez osatutako 2 elementu ditu: bata, aho eta trakeostomian emateko pasta, eta bestetik, SNGetarako soluzioa. Bi soluzio hauek, antibiotiko desberdinez osatuta daude: polimixina E (colistina) %2, Gentamicina %2 eta Anfotericina B %2.

Helburuak

-Arnasketa mekanikoarekin lotuta dauden neumonia nosokomialen murrizketa; heriotza-tasak, ZIUetako egonaldia eta gizarte-kostua gitxiagotuz. -Gaixoak bazilo aerobio Gram negatiborik gabe mantendu, hesteetako endotoxinak murriztuz, eta honi esker, gaixo kritikoen immunitatea babestuz. (Garrantzitsuena Acinetobacer baumannii da, antibiotikoen aurrean duen erresistentziagatik eta gaixoarengan duen eragin negatiboagatik).

Metodoak

-Faringe, ondeste, besape eta bronkojario kultiboen batzea. -Aho-garbiketa klorhexidina %0,12-a erabiliz. -Barne zainetako antibioterapia: ceftriaxona gramo 2 /24 orduro, 3 egunetan. -Antibiotiko topikoaren aplikazioa: PASTA (6 orduro): -Aho mukosatik zehar. -Gaixo trakeotomizatuengan estoma inguruan eta ahoan. SOLUZIOA (6 orduro): - SNGren garbiketa 20ml uraz. - Soluzioaren administrazioa. - SNGa 30 minutuz pintzatu eta ordubetez nutrizio enteralagaz baldin badago.

Emaitzak

-Protokolo honen aplikazioak, arnasketa mekanikoari lotutako neumonien tasak jaitsi ditu, ZIUko gaixoen osasun-egoera bermatuz.

Ondorioak

Protokolo honen aplikazioak, langileen lan-karga ugaritzen duen arren, lan-esperientziak, oso eragingarria izan dela eta emaitzak bikainak izan dituela erakutsi digu. Gure zerbitzuan DDSa martxan jarri dugunetik (2006), Acinetobacter Baumannii-z kutsatuta izan diren kasuak asko murriztu dira, 2006tik momenturarte kasu bi soilik agertuz.

Bibliografia