Sarrera

SARRERA Dibertikulu barneko papila, Billroth II, Roux-en Y anastomosia edo aurretiko esfinterotomiaren ondoriozko orbainagatiko papilaren estenosia, etab. bezalako ez-ohiko anatomia aurkezten duten koledokolitiasietan, esfinteroplastia edo papilaren zabaltze endoskopikoa, esfinterotomia baino aukera seguruagoa bezala aurkezten da. Koagulopatia-arazoak dituzten kasuetan ere berdin gertatzen da.

Helburuak

HELBURUAK ETA METODOA 2004ko otsailetik 2005eko abuztura bitartean, gure osasun-zentroan burutu diren CPR guztien atzera begirako ikerketa, papilaren zabaltze hidrostatikoarekin trataturiko kasuen indikazioA, efikazia eta segurtasuna aztertzeko helburuarekin.

Metodoak

Emaitzak

EMAITZAK 308 CPR ikertzen dira. 174 kasutan esfinterotomia (% 56) eta 25 kasutan zabaltzea (% 8,1) burutzen delarik. Zabaltzea burutzeko indikazioa, 10 kasutan (% 40) dibertikulu barneko papilagatik, 9tan (% 36) aldez aurreko esfinterotomiaren orbainagatiko estenosiagatik, 3tan (% 12) Billroth IIagatik eta 3 kasutan (% 12) papila txikia izateagatik ezartzen da. 17 kasutan kalkuluak antzematen dira kolangiografian. 18 kasutan (% 72), baloi-zundaz egindako dilatazio-arrastatze eta garbiketen ondoren kalkuluak edo behazun-hondarra bezalako materiala lortzen da. Erauzketa erabatekoa da 17 kasutan. Kasu 1ean hondar-kalkulu bat antzematen da, eta ondorioz 10 Fr-ko polietilenozko endoprotesi bat txertatzen da. Koledokolitiasiaren tratamenduaren efikazia % 100ekoa izan da gure seriean, kalkulu guztien erauzketarekin kasuen % 94an (% 95 KT +/-9), nahiz eta kalkulu horietatik 8, gutxienez 1,5 zentimetrokoak ziren. Konplikazioen indizea 5 kasukoa izan da (% 20, % 95 KT +/-7). Pankreatitis arina 4 kasutan (% 16, % 95 KT +/-14) eta berez mugaturiko odoljario atzeratua kasu 1ean, 20 eguneko ospitale-egonaldia eraginez.

Ondorioak

ONDORIOAK Papilaren zabaltze hidrostatikoa, efikazia handiko tratamendua da, konplikazio-indize nahiko altua duena, nahiz eta gure seriean konplikazioak garrantzi urrikoak izan diren.

Bibliografia