TRATAMENDU INTENTSIBOAK ETA SINDROME KORONARIO AKUTUAREN PRONOSTIKOA
Egileak:
I Peña*
I Agiriano **
S Agirregomezkorta**
JM Marín**
Z Perea***
A Ugarte***
Deba Goieneko Ospitalea. Arrasate (Gipuzkoa). Barne-Medikuntza Zerbitzua (*), Larrialdietako Zerbitzua (**), Familia eta Komunitateko Medikuntzako mediku egoiliarrak (***)
Sarrera
SARRERA Sindrome Koronario Akutua (SKA) tratatzeko, fibrinolisia eta Angioplastia Koronario Transluminal Azal-zeharrekoa (AKTA) lehenbailehen erabiltzen ditugu gaur egun. Horri esker, lehen 30 eguneko hilkortasuna jaitsi egin da azken urteotan gaixo hauengan.Helburuak
HELBURUAK SKA jasan duten gaixoek Larrialdiak Zerbitzuan eta Arreta Intentsiboen Unitatean (AIU) zer tratamendu jaso duten ikustea, ST igota edo ez igota eduki izanaren arabera. Horren ondorioz, hilkortasuna aztertzea eta lehen aipatutako bi tratamenduen bigarren mailako efektuak baloratzea ditugu helburu.Metodoak
METODOAK Atzera begirako azterketa deskriptiboa egin dugu 2005ean zehar SKA izan duten 19 paziente hartuta. Gaixo hauek geure ospitaleko Larrialdiak Zerbitzuan ikusi eta ondoren Txagorritxu Ospitalera (Gasteiz) eraman genituen. Prozesu osoan egindako txostenak aztertu ditugu, baloratu nahi ditugun datuak lortzeko: Adina, generoa, ST uhina EKGn, fibrinolisia ala ez, AKTA ala ez, hilkortasuna lehen 30 egunetan eta fibrinolisiaren eta angioplastiaren bigarren mailako efektuak (istripu zerebro-baskularrak, odoljarioak, beste batzuk).Emaitzak
EMAITZAK Gaixo gehienak gizonezkoak ziren, eta batez beste 61 urte zeuzkaten. Larrialdietan, ST igota zeukaten gehienek fibrinolisia hartu zuten (9/14), baina gero Intentsiboetan gehienek ez zuten angioplastiarik jaso (3/14). Heriotza-tasari eta alboko eraginei dagokienez, ikusi duguna bat dator literatura medikoan deskribatuta dagoenarekin.Ondorioak
ONDORIOAK Tronbolisiak eta kateterismo azkarrek infartuen pronostikoa hobetzen dute eta azken urteotan aurrerapen nabarmena ekarri dute gaixotasun kardiobaskularren arloan.Bibliografia
Azken Berriak
Uda ikastaroa: Gure lurraldean eta ikerketatik generoaren osasuna zaintzen
Nola eragiten du generoak osasunean, eta zer ikerketa egiten ari dira gure lurraldean hori aztertzeko?
???? 4 hitzaldi
???? Musikarekin girotutako mahai inguruak
➡️ Uda ikastaroaren programa eta matrikulazioa hemen
...
Zeladore eta Erizaintzako Zainketa Lagungarrietako Teknikarien Hiztegia
Bitor Arbazuzak honako altxorra ekarri digu: Zeladore eta Erizaintzako Zainketa Lagungarrietarako Teknikarien (EZLT) Hiztegia.
2020an hasi zuen bere lana eta zenbait zeladorek, EZLT-k parte hartu dute, euskaldunak eta erdaldunak eta horietako batek be...
