Sarrera

SARRERA Gure komunitatean, Lehen Mailako Atentzioan 2005ean 8 milioi baino kontsulta gehiago egin ziren. Haietatik, garrantzi handiko zati batek arrisku kardiobaskularreko faktoreen jarduera prebentiboak eta terapeutikoak dauzka helburutzat. Hala ere, lurralde sanitario hauetan, askotan, arrisku kardiobaskularreko faktoreen kontrola ez da era homogeneoan egiten. Aldakortasun honen analisia da komunikazio honen zergatia.

Helburuak

HELBURUAK Arrisku kardiobaskularreko faktoreen kontrola ezagutzea.

Metodoak

METODOAK - Data iturria: Osakidetzako Zerbitzuen Lehentasunezko Eskaintzaren 2005. urteko ebaluazioa. - Kokagunea: EAEko Lehen Mailako Lurralde Sanitarioak, Ezkerraldea-Enkarterri izan ezik. - Aldagaiak: aldagai guztietan bariazio-koefizienteak Lehen Mailako Unitateen emaitzetatik kalkulatzen dira. 1. Arrisku kardiobaskularraren neurketa kolesterol altuko pazienteetan, hipertentsoetan edota diabetikoetan. 2. Baheketa edo kribadoak (screening-ak): kolesterol altuko pazienteetan, hipertentsoetan eta diabetikoetan. 3. Diabetikoetan kontrol ona lortzea(HbAC1 bidez) 4. Hipertentsoen kontrol ona lortzea ( <140/90) 5. Kolesterol-zifrak ondo kontrolaturiko gaixo kardiobaskularretan (< 200 mg/dl)

Emaitzak

EMAITZAK 1. Arrisku kardiobaskularraren neurketa hauexek izan dira topatutako bariazio-koefizienteak: Araba (0,56), Bilbao (0,60), Barrualdea (0,36), Uribe (0,41), Ekialdea (0,85), Mendebaldea (0,63). 2. Baheketa edo screening-ak: - Tabakismoa: 0,32 eta 0,42 tarteko bariazio-koefizienteetan mugitzen dira lurraldeak - Hipertentsio arteriala: 0,34 eta 0,47 tartetan - Hiperkolesterolemia eta diabetes mellitus: 0,33 eta 0,52 tartean 3. Diabetes mellitus-aren kontrol ona: 0,19 eta 0,28 tarteko bariazio-koefizienteetan mugitzen dira lurraldeak 4. Hipertentsio arterialaren kontrol ona: 0,12 eta 1,12 tartean 5. Hiperkolesterolemiaren kontrol ona: 0,14 eta 0,36 tartean

Ondorioak

ONDORIOAK • Arrisku kardiobaskularraren neurketetan aldakortasuna tamaina handikoa da. • Baheketetan (screening-etan) aldakortasuna tamaina ertainekoa da. • Diabetesen kontrolak, HbA1c bidez, aldakortasun txikia duela dirudi. • Hipertentsioaren kontrolaren kasuan aldakortasuna txikia da, nahiz eta Ekialdean bariazio dezente ikusten den. • Hiperkolesterolemian aldakortasuna tamaina txikikoa eta ertainekoa azaltzen da, lurralde desberdinen arabera.

Bibliografia