Sarrera

Sarrera

BAMEak Ospitalean lana eta formakuntza elkartzen dute. Urtez urte gaixoekiko jarreran bere ezaguerak eta ardura handitzen joan behar dute; hau larrialdi-zerbitzu batean argi ikusi beharko litzateke. Hauetan triajea erabiltzen da gaixoen larritasuna sailkatzeko.

Helburuak

Helburuak

BAMEak larrialdi-zerbitzu batean ikusitako gaixoen azterketa, triajea kontuan edukita.

Metodoak

Metodoak

Diseinua: Behaketa prospektiboa.  Non: Donostia Ospitaleko larrialdietako zerbitzuan.  Aztertze-aldia: 2001/11/5  2001/12/5.  Parte-hartzaileak: Larrialdi-zerbitzuan guardiak egiten dituzten BAME guztiak.  Esku-hartzea: Gaixoak hiru ataletan banatzen dira azaltzen duten larritasuna kontuan edukita: berdea (larritasun gutxi), horia (tarteko larritasuna) eta gorria (benetako larritasuna). BAMEak atal bakoitzean dauden gaixoak ikusi beharko lituzkete, beraien urtea eta ezaguerak kontuan edukita. 

Emaitzak

Emaitzak

1.169 gaixoren datuak jaso ziren.   Atalez atal, % 55.77 atal berdekoak ziren, % 38.75 horikoak eta % 5.47 gorrikoak.   1. urteko BAMEak % 35.34 gaixo ikusi zituzten: % 91.95 atal berdekoak, % 7.31 horikoak eta % 0.73 gorrikoak.   2. urteko BAMEak % 28.01 gaixo ikusi zituzten: % 44.3 atal berdekoak, % 50.46 horikoak eta % 5.23 gorrikoak.   3. urteko eta gehiagoko BAMEak % 36.6 gaixo ikusi zituzten: % 30.35 atal berdekoak, % 59.76 horikoak eta % 9.8 gorrikoak.  Atalez, atal berdekoak % 2.9an ospitalean ingresatu beharra eduki zuten, atal horikoak % 18,12an eta atal gorrikoak % 61.67an.

Ondorioak

Ondorioak

Larrialdi-zerbitzu batean gaixoak triaje baten bidez sailkatzeak, BAMEen ardura sendotzen joateko onuragarria dela uste dugu.  BAME talde bakoitzak, bere ezaguera kontuan edukita, larritasun-atal bakoitzean zeuden gaixoak ikusi dituzte gehienbat, inolako gain-ardurarik hartu gabe.  Lan-kopuruaren aldetik, ez dago alderik BAME taldeetan. 

Bibliografia