Sarrera

SARRERA

Ekitatea gure osasun-sistemaren helburu nagusietako bat da. Bestalde, Osasunerako Munduko Erakundeak beste horrenbeste onartu zuen bere 'Osasuna denontzat 2000. urterako' agirian. Euskadiko Autonomia Erkidegoan (EAE) 1992an egin zen osasun inkestaren arabera, berriz, ezberdintasun batzuk azpimarratzen ziren talde sozialen artean. Lan honetan ezberdintasun horien gaurko egoera aztertu nahi dugu.

Helburuak

Metodoak

MATERIALA ETA METODOAK

Populazioa: EAEko biztanleria, instituzionalizatuak eta 15 urte baino gutxiago daukatenak izan ezik.

Lagina: EAEko 1997.eko osasun inkestaren galdetegi indibidualari erantzun zioten 3.956 pertsonak eta 1992.ekoari erantzun zioten 3.747ak.

Aldagaiak: klase soziala, osasun hautemana, jarduera mugatzen duen osasun arazo baten presentzia, obesitatea, mamografiak.

Informazio bilduma: Etxean eta inkestatzaile baten laguntzaz egindako elkarrizketa.

Analisia: odds ratioak kalkulatu dira, talde sozialak eta urteak konparatuz.

Emaitzak

EMAITZAK

V. klaseko (beheko mailakoak) pertsonek I. taldekoek baino arrisku handiagoa daukate: a) osasun txarra aitortzeko (1,8 bider gehiago); b) osasun-arazo mugagarri bat izateko (2,3 bider gehiago); c) lodia izateko (2,8 bider); d) mamografia bat ere ez egiteko bere bizitza osoan. Kasu gehienetan, diferentzia hauek guztiak mantendu egin dira ikertutako epean zehar. Arazo mugagarri bat izateko arriskuaren diferentzia, berriz, gutxitu egin da (2,9tik 2,3raino).

Ondorioak

ONDORIOAK

Klase sozialen artean osasun-diferentziek beren horretan diraute:

• osasunaren pertzepzioan

• bizimoduaren mugapenean

• bizitza-ohituretan

• prebentzioko praktiketan

Bibliografia