Sarrera

Gaur egun, ospitalean aurkitzen ditugun zauri kirurgikoak gero eta konplexuagoak dira. Kirurgiaren aurrerapausoak, zein gure nagusien bizi-itxaropen eta bizi-kalitatearen areagotzea dela eta, “ukiezinak” ziren gaixoei egun ebakuntzak egiten dizkiegu. Beraz, zailtasunei aurre egiteko tratamenduak ere izugarri ugaritu dira; besteak beste, ezezko presio-terapiaren (VAC®) erabilera.

Helburuak

- Erizainei ezezko presio-terapia ondo erabiltzeko aholkuak ematea da - Gure irizpideak bateratzea eta ezezko presio-terapia egoki erabiltzeko oinarrizko jarraibideak ematea; bai zainketak bai terapiaren erabilera hobetzeko asmoz. - Gida azkarra eta erraza sortzea, teknika berri hau erabiltzean sortzen den ziurtasun ezari aurre egin diezaiogun.

Metodoak

San Eloy Ospitaleko Kirurgia eta Urologia zerbitzuan behaketa bidez egin den ikerketa deskribatzailea da. Hau da, posterrean azaltzen den informazioa ikerketa misto baten ondorioz lortu dugu. Dokumentazio-bilaketa orrazketa bibliografiko zabalaren bidez eta 2009, 2010 eta 2011. urteetan gaixoekin egindako lanari esker osatu dugu.

Emaitzak

Zuzen erabiliz gero, terapia honen abantailak, besteak beste, hauek dira: - Ospitaleko egonaldia laburtu eta erabateko gastuak murrizten dira. - Gaixoaren bizi-kalitatea hobetzen da, autonomia areagotzen da eta eguneroko ekintzetan independentzia sustatzen du. - Pikortadura-ehunaren eraketa bultzatu eta zauri konplexuen orbaintzea errazten du. - Infekzio arriskua gutxitzen da. Izan ere, zauria gutxiago ukitzeaz gain bakterien aurkako traba eraginkorra da.

Ondorioak

Lan honek, ikuste arin baten bidez, erizainei lagundu nahi die batez ere arlo hauetan: - Terapia honetarako gaixo egokia aukera dezagun. - Alarma-seinaleak ezagutu ditzagun. Hau da, gaixoentzat arriskutsua izanez gero, tratamendua geldiarazi. - Jokaera-irizpideak ezartzea, erizainen esku-hartzeak bizkor eta erraz daitezen. - Kalitatezko zainketak bermatzeko asmoz, terapia honi buruzko ezagutzak zabaldu nahi dira. - Tratamendu honi lotutako arazoak eta ondorio kaltegarriak azkar aurkitzea.

Bibliografia