Sarrera

Bakterioek sarritan beherakoak eragiten dituzte Debabarreneko Eskualde Sanitario Integratuko (ESIko) haur eta gazteetan.

Helburuak

- Beherakoak zein bakterio espeziek eragiten dituzten jakitea, Debabarreneko ESIan eta Ermuan, 18 urte arteko pertsonetan.

- Antibiotikoekiko erresistentzia zein den aztertzea.

Metodoak

- 2003tik 2012ra bitartean (azkena barne), Mendaroko Ospitalean jaso diren eginkarien kultiboa egin da, hesteetarako patogenoak diren bakterioak isolatzeko asmoz.

- Bakterioak ohiko metodoen bitartez identifikatu dira, eta bakterioen erresistentzia jakiteko CLSIren arauak jarraitu dira.

Emaitzak

- Hamar urtean, 1.130 pertsonatan isolatu dira bakterio enteropatogenoak.

- Isolatutako bakterioak honakoak izan dira: 680 Campylobacter spp., 303 Salmonella enterica, 68 Shigella sonnei, 29 Yersinia enterocolitica, 31 Aeromonas caviae, 10 A.hydrophila eta 9 A.sobria.

- Campylobacter spp.-en artean, 615 (%90) C.jejuni izan dira, 6 C.coli, eta 59 andui espezie mailetan identifikatu gabeak. Campylobacter-en %67 hiru urte baino gazteagoetan isolatu dira, eta %58 mutiletan. Anduien %98 eritromizinarekiko sentikorrak dira. Ez da atzeman Campylobacter andui gutxiago isolatzeko joera nabarmenik.

- S.enterica 303 pertsonatan isolatu da. S.entericarekin kutsatu diren umeen erdiak 3 urte baino gazteagoak izan dira. S.enterica ser. Enteritidis eta S.enterica ser.Typhymurium dira gehien isolatu diren serotipoak. Badirudi gero eta Salmonella gutxiago isolatzeko joera dagoela.

- 2012ko urritik abendura bitartean, S.sonneiaren 67 andui isolatu dira, Eibarko ikastetxe batean gertatutako agerraldiaren ondorioz, eta gehienak 5 eta 7 urte arteko umeetan. Gainera, beste 20 pertsona heldu ere kutsatu dira, gehienak senitartekoak.

- Y.enterocoliticaren anduietatik %59 hiru urte baino gazteagoetan isolatu dira.

Ondorioak

- Campylobacter spp. (%60) eta Salmonella enterica (%27) izan dira bakterio enteropatogeno ohikoenak.

- Shigella sonneiak eragindako agerraldi bat gertatu da, 2012an, Eibarko ikastetxe batean.

Bibliografia

ESKERRAK

Maite Egigureni idazlanaren euskarazko zuzenketa egin duelako.