Osasungoa Euskalduntzeko Erakundea

Osasungoa Euskalduntzeko Erakundea

+34 944 001 133

oee@oeegunea.eus

Ariketa fisikoaren eragina egoitzetako hirugarren adineko pertsonengan: proba pilotua

Egileak:

Haritz Arrieta Etxeberria

Ana Rodriguez Larrad

Susana Gil Orozko

Jose Javier Yanguas Lezaun

Amaia Irazusta Astiazaran

Maider Kortaxarena Rubio

Mikel Markotegi Díez

Jon Irazusta Astiazaran

0


Sarrera

Hainbat ikerketek erakutsi dute ohiko jarduera fisikoak hauskortasunari aurre egiteko balio duela, oreka eta mugikortasuna hobetuz eta erorketak, instituzionalizazioa, ospitalizazioa eta hiltzeko aukera murriztuz (3). Nahiz eta lan aerobikoa, oreka eta indarra lantzeak plan eraginkorrena dirudien (2), ikerketa gehiago behar dira hirugarren adineko egoitzetan ariketa eraginkorrenak eta seguruenak zehazteko (1).

Helburuak

Egoera fisiko funtzionalaren parametroetan ariketa fisikoko programa batek hirugarren adineko egoitzetako pertsonengan duen eragina ikertzea.

Metodoak

Matia Fundazioko hirugarren adineko egoitzako pertsonek indarra, oreka eta lan aerobikoa landu zuten ariketa fisikoko programa bat burutu zuten (3 saio astean, 3 hilabetetan zehar). Ikerketan parte hartzeko irizpideak hauexek izan ziren: adina ≥70, Barthel eskalan ≥50, 10 metro laguntzarik gabe ibiltzeko gaitasuna eta MEC testan ≥20 izatea. Programa hasi aurretik pertsonen mugikortasuna aztertu zen (azelerometria). Ariketa fisikoko saioen eragina ikertzeko, hasi aurretik eta bukatzean, aldagai antropometrikoen (bioinpedantzia) eta fisikoen (ohiko ibilera eta ibilera azkarra eta Senior Fitness Test) neurketak konparatu ziren.

Emaitzak

Parte hartzaileen adina 86.55 ± 7.83 izan zen. %92k intentsitate moderatuko jarduera fisikoa 15 minutu baino gutxiago egin zuten interbentzio aurreko astean (mediana (IR) 1.08 (0.75)). Programaren hasieratik amaierara aldagai fisikoetan aurkituriko ezberdintasunak hauek izan ziren: beso flexioan %22.2 aldiz errepikapen gehiago (P<0.05), altxa eta eseri testan %20.0 aldiz errepikapen gehiago, “8 Foot Up and Go” testan, ohiko eta ibilera azkarrean %7.4, %11.8 eta %7.1 aldiz denbora gutxiago, hurrenez hurren eta 6 minutu ibiltzeko testan %2.4 aldiz metro gehiago. Gantz portzentaian (bioinpedantzia) eta gorputz masaren indizean ez ditugu ezberdintasunak topatu ariketa fisikoko programaren aurreko eta osteko neurketak konparatzerakoan.

Ondorioak

Hirugarren adineko egoitzetako parte hartzaileak ez dira nahiko mugitzen, Osasunaren Mundu Erakundeak emandako gomendioekin alderatzen baditugu: astean gutxienez intentsitate moderatuko 150 minutuz ariketa fisikoa egitea.
Proba pilotuko ikerketa honetan ikusi dugunez indarra, lan aerobikoa eta oreka landu diren ariketa fisikoko programa bat hirugarren adineko egoitzetarako eraginkorra izan daiteke.

Bibliografia

1. Aguirre, L. E., & Villareal, D. T. (2015). Physical Exercise as Therapy for Frailty. Nestle Nutr Inst Workshop Ser., 83, 83–92.

2. Cadore, E. L., Rodríguez-Mañas, L., Sinclair, A., & Izquierdo, M. (2013). Effects of different exercise interventions on risk of falls, gait ability, and balance in physically frail older adults: a systematic review. Rejuvenation research, 16, 105-114.

3. de Labra, C., Guimaraes-Pinheiro, C., Maseda, A., Lorenzo, T., & Millán-Calenti, J. C. (2015). Effects of physical exercise interventions in frail older adults: a systematic review of randomized controlled trials. BMC geriatrics, 15, 154.

Dokumentuak jeitsi:jeitsi

Azken Berriak

Aitor Montes (familia-medikua): "Ur txikitan adimen urriak"
Esan ohi da gizakia dela harri berarekin behaztopatzen den izaki bizidun bakarra, hau da, ikasten ez omen duen bakarra. Jakinda beste animalia guztiak baino askoz urrunago joan garela, mundua gure neurrira aldatzerainokoan. Ikasi, ikasi egiten dugu; ez ...
Urriaren 22rako asteazken kulturala antolatu du FEUSEk
FEUSE Farmazialari Euskaldunen Elkarteak Asteazken Kulturala jardunaldia egingo du urriaren 22an, EHUko Farmazia Fakultatean, Gasteizen. Oraingo honetan, elkartea bera izango da eguneko protagonista, eta ikasle zein osasun-profesionalen interesa pizteko...

Berri +

Ugarteburu sariak
Egin bazkide
Gizarte-sareak
facebook twitter
Laguntzaileak
Eusko Jaurlaritza
Bai Euskarari

©OEE

Diseinua: Di-Da Garapena: Bitarlan