Azaroaren 19an Eibarko UEUko egoitzan egindako topaketak biziki interesgarriak izan dira, osasun-administrazioetan euskararen egoera ikuspuntu askotatik aztertu delako: euskararen beste erakundeetatik (Kontseilua), hizkuntza-eskubideen defentsatik (Behatokia), ikasketen prozesutik (unibertsitateko partaideak) eta baita, noski, osasun-profesionaletatik (OEE). Ideia asko konpartitu dira eta talde iraunkor bat sortzeko nahia azaldu da inplikatutako guztien artean ekimen bateratuak egiteko.