Pasa den urtearen amaieratik Osasungoa Euskalduntzeko Erakundearen eta Bizkaiko Sendagileen Elkartearen artean maiatzean egin den Osasun Biltzarra aurrera atera ahal izateko elkarlana hasi zen. Orain balantzea egin ondoren, aurrera begira, bestelako ekimen batzuk elkarrekin egitea aztertzen ari gara eta, horretarako, Elkargo barruan Euskara Batzordea sortzea aurreikusi da OEEren laguntzarekin, euskara bultzatzeko interesa eta gogoa duten guztien bilgune gisa.

 

Euskara Batzordearen lehenengo hitzordua ere jarri da: irailaren 27an, osteguna, arratsaldeko 18:00etan. Hemendik Bizkaiko osasun-profesionalei gonbidapena egin nahi diegu batzorde honetan parte hartzeko edota ideiak ekartzeko. Momentuz 3 arlotan jardutea pentsatu da: elkargoan eskaintzen diren ikastaroetan euskaraz ere zerbait eskaintzen hastea, Elkargoaren zerbitzuetan euskararen presentzia handitzea eta osasun-arloan euskararekiko kontzientziazioa eta erabilera handitzen laguntzea.