Biztanlearen zahartzearekin batera, Nerbio Sistema Zentralari (NSZ) lotutako patologiak ugaltzea aurreikusten da, hala nola, Alzheimerra, iktusak, tumoreak, traumaren ondorengo sindromea…, eta gaixo horien sendaketa prozesuen premia areagotuko da.

Horri begira, lehenengo aldiz egingo den graduondoa EHUko Berezko Tituluen eskaintzan sartu da. Helburu orokorra neuroerrehabilitazioaren diziplina anitzeko garapena ezagutzea da. Horretarako, gabezia neurologikoaren jatorriak eta ondorioak erakutsiko dira. Gainera, sendatzeko edo hobetzeko horren aurrean dauden neurriak aztertuko dira alor eta bide ugariak erabiliz.

Bost moduluz osatuta dago: neuroanatomia, talde-lana, neuropatologia, errehabilitazio neuropsikologikoa eta errehabilitazio neurofuntzionala.

Izen-ematea eta matrikulazioa EHUko Berezko Tituluen sarbidetik egin daiteke, eta UEUko laguntzarekin egiteko edo edozein zalantza argitzeko titulazioak@ueu.org helbidera jo daiteke. Graduondokoak 2.072 € balio du eta EHUren arauei jarraiki ordainketa bi epetan egin daiteke.

Informazioa: titulazioak@ueu.org