Azken urteotan informazioa sortu, bildu eta hedatzeko bideak aldatu egin dira eta Informazioaren eta Komunikazioaren Teknologiek gero eta garrantzi handiagoa hartu dute, baita osasunaren alorrean ere.

Bide horretan ekimen berri bat aurkeztu dute: bagabigabloga, medikuntza eta osasun esparruetan euskaraz sortutako edukiak aurkezteko plaza izateko asmoz.

Baliabideak, informazio-iturri berriak, eguneroko kontsultarako tresna interesgarriak, kasu klinikoak, iruzkinak, sesioak edota literatura medikoaren berrikuspenak argitara ekartzeko txokoa bilakatzea da sustatzaileen asmoa. Parte hartzeko aukera dago eta edozein ekarpen ongi etorria izango da: http://bagabigablog.blogspot.com.es/