Apirilaren 25ean, 18:00etan, Usurbilgo Sutegi Kultur Etxean 2012ko CAF-Elhuyar sarien banaketa-ekitaldia egingo da.  Bertakoek esan digutenez, Merezimendu Saria Osasungoa Euskalduntzeko Erakundeak jasoko du. 

Zer dira ba CAF-Elhuyar Sariak?

CAF enpresak eta Elhuyarrek eraginda sortu ziren CAF-Elhuyar Sariak 1994an. Zientzia-gaien euskarazko dibulgazioa eta, bereziki, idazle berriak sustatzeko asmoz abiatu ziren sariak.

Elhuyar Fundazioak antolatzen ditu CAF-Elhuyar sariak, CAF enpresaren babesarekin eta Eusko Jaurlaritzaren Kultura Sailaren diru-laguntzaz.

CAF-Elhuyar sarien helburuak zientzia eta teknologiaren arloko gaien eta ikerketen euskarazko dibulgazioa, kazetaritza eta gizarteratzea bultzatzea, saritzea eta aitortzea dira.

 Aurten, kategoria berri bat izango dute sariek: Zientzia Gizartean Sorkuntza Beka. 5.000 euro jasoko ditu beka horren irabazleak, proiektu bat garatzeko.

Honako hauek dira sarien kategoriak: 

Dibulgazio-artikulu originalak:

          Dibulgazio-artikulu orokorrak.

           Egilearen doktore-tesian oinarritutako dibulgazio-artikuluak.

Zientzia-kazetaritzaren arloko lanak.

Zientzia gizartean sorkuntza-beka.

Info. gehiago: 2013/04/23ko Berria egunkarian, 12. orrialdean.