Eusko Legebiltzarrean Osasun Sailburuak agerraldia izan zuen atzo, Osakidetzan euskararen egoeraz hitz egiteko. Osakidetzako Giza Baliabideetako zuzendaria den Jose Maria Armentiak ere hitz egin zuen eta laster abian jarriko den 2. Euskara Planari buruz zera esan zuen: "Helburu argia izango du: gaixoen eta langileen hizkuntza eskubideak bermatzea eta euskera lanerako ohiko tresna bihurtzea".

Jon Darponek esan zuen dagoneko Osakidetzako lau langileetatik batek hizkuntza-eskakizuna egiaztatu duela eta aurten hiru miloi bideratuko direla langileek euskara ikas dezaten.

EH Bilduko parlamentaria den Rebeka Uberaren arabera emaitzak ez dira onak izan eta Osakidetzan egon den lehenengo plana "utzikeriagatik eta arduragabekeriagatik porrot egin du".

Informazio gehiago:

www.deia.com/2013/05/13/sociedad/euskadi/uno-de-cada-cuatro-empleados-de-osakidetza-tiene-el-perfil-de-euskera-exigido

ccaa.elpais.com/ccaa/2013/05/13/paisvasco/1368453882_893029.html