Euskarari arnasa ematen jarraitzeko, datorren ekainaren 8an Uema Eguna ospatuko da Aramaion. Aire berria euskarari! lelopean, egun osoko egitarau zabala eta erakargarria antolatu dute, euskarak “Arnasa berria” behar duela aldarrikatzeko.

11:30etan emango zaio hasiera festari, eta goiz osoan zehar haurrentzako puzgarriak, artisau-azoka, edota talogileak izango dira. Eguerdi parterako ekitaldia eta herri-bazkaria antolatu dituzte, eta arratsaldetik aurrera kontzertuez gozatzeko aukera egongo da. Bazkarirako txartelak Aramaioko tabernan edo 946279195 telefonora deituta eskuratu ahal izango dira.