Osakidetzaren 2. Euskara Planaren zirriborroak 2014-2019 epealdirako helburuak ezarri ditu. Horiei buruz, Berrian argitaratutako albistean zehaztapen asko irakurri daitezke. Hauek dira helburu nagusiak:

a) Lehen Mailako Arreta osoan, hau da, osasun-zentro guztietan eskaini beharko dira mediku euskaldunak. Horrekin, herritar guztiek mediku edo pediatra euskalduna  aukeratu ahal izango lukete.

b) Baldintza egokiak dituzten unitateetan euskara lan-hizkuntza bihurtzea

c) Ospitaleek euskaraz eskaintzen dituzten espezialitate medikoen eskaintza zabaldu beharko dute

d) Pazienteen dokumentuak ezinbestean bi hizkuntzetan edo pazienteek euskaraz eskatuz gero, euskara hutsean eskaini beharko dira. Historia klinikoari dagokionez azterketa sakona egingo da bietan egon dadin

e) Lehenengo arreta euskaraz eskaini beharko dute Osakidetzako langileek beti (agurra, lehen esaldia, lehenengo galdera...) eta erabiltzailearen esku geratuko da zein hizkuntzatan jarraitu nahi duen

f) Euskaraz bai sano kanpaina hedatu eta egonkortzea

g) Barne harremanetako komunikazio gehiagotara helduko beharko da euskara: segurtasunarekin lotutako errotulaziora, makinetako testuetara, etab.