Karlos Ibarguren OEEko lehendakariak eta Cosme Naveda Bizkaiko Medikuen Elkargoko presidenteak, bi erakundeen arteko lankidetza hitzarmena izenpetu dute. Erakunde biek osasun alorrean eta euskarari dagokionez zenbait ekimen egiteko beharraz gogoeta egin dute. Zentzu horretan, elkarrekin lan egiteak sinergiak eta eraginkortasuna handitzeko balioko duela uste dute.

Horri esker, erakunde biek elkarrekin garatuko dituzte, besteak beste, prestakuntza alorreko ekintzak (ikastaroak, biltzarrak...), jarduera informatiboak (hitzaldiak, Elkargoaren boletinerako euskarazko albisteak...), eta, oro har, osasun-alorrean eta Elkargoaren funtzionamenduan euskararen normalizazioa bultzatzeko ekintza ezberdinak.