El Mundo egunkariak argitaratutakoaren arabera, herenegun onartutako Osakidetzaren 2. Euskara Planean, zirriborroan jaso ziren bi puntu garrantzitsu bertan behera geratu dira:

a) Pazienteen eta langileen hizkuntza lehenetsia jasota edukitzea. Puntu hau garrantzitsua da bezeroen hizkuntza-aukera zein den ikusteko eta zerbitzua haiek nahi duten hizkuntzan eman ahal izateko. El Mundok berak kanpaina handia hasi zuen horren kontra eta azkenean bere helburua lortu duela esan genezake. Aldaketa hau egin ondoren, pazienteak "borondatez" adierazi ahal izango dutela zein den haien hizkuntza-aukera jarri da, baina ez dago argi hori non jasoko den, non ikusiko den eta benetan praktikoa izango den.

b) Kontratu-Programak eta euskara. Euskara pizgarri gisa izan gabe, aukera eskaini baina erabat zehaztugabe utzi da: Kontratu-programetan hizkuntz eskakizunak "kalitate" irizpide gisa zehaztu ahal izago dira.