Baztango euskalgintzak Baztango udalarekin batera, Baztanen pediatra eta mediku euskaldunak eskatzeko kanpaina hasi berri du.

Jendearen inplikazioa bilatzeko, bideo bat egiteaz gain, etxez etxe banatuko diren esku orriak baliatuz mediku eta pediatra euskaldunak eskatu ahal izango dituzte baztandarrek. Horretarako nahikoa da amaieran dagoen fitxa bete eta osasun etxeko harreran uztea.

Pixkanaka, osasun etxeetan herritarren eskaerak pilatu nahi dituzte kanpainaren bultzatzaileek. Osasunbideak eskaera guztiak erantzun beharko ditu, eta horretan, bi aukera aurreikusten dituzte antolatzaileek. Eskatzaileari medikua aldatu eta euskarazko zerbitzu bermatzea edota, hainbat arrazoirengatik euskarazko zerbitzurik ezin dutela eman argudiatzea.
Eskaera egin eta gero euskarazko zerbitzua eskaintzen ez zaien kasuen jarraipena egiteko konpromisoa hartu dute antolatzaileek. Hizkuntza Eskubideen Behatokiari helarazten zaizkion urraketa guztiak, Osasun Sailburuari, Hizkuntza Politikako Sailburuordeari eta Arartekoari jakinaraziko dizkiete, beharrezko diren neurriak hartzeko exijituz. Modu horretan hasitako bidea amaiera arte eramateko ahalegina egingo dute.

Gai horren inguruan bi medikuen iritzi artikulua ere baduzue hemen irakurgai.

http://vimeo.com/84853643

eskuorriaB-Baztan ona - barrukaldea-.JPG

eskuorria-Baztan ona -azalakontrazala.JPG