24. Osasun Biltzarrean izena emateko epea ireki dugu. Horrenbestez, gaur hasi eta Biltzarreko egunera arte izena eman ahal izango duzue OEEren webgunean. Gogoratu Biltzarra apirilaren 4 eta 5ean izango dela Donostiako Miramar Jauregian, Osasun Hezkuntza izenburupean.

Izena ematerakoan Biltzarrerako prestatu diren bi tailerretakoren batean (Motibazio elkarrizketa eta Diabetearen konplikazioak prebenitzeko formakuntza tailerra) parte hartu nahi duzuen zehaztu behar da. Plaza mugatuak daude, beraz, interesatuek azkar ibili beharko dute.

Izena ematearen prezioa honakoa da, ostiraleko bazkaria barne:

- Izen-emate arrunta: 95 €

- OEEko bazkideak: 90 €

- Ikasleak eta langabetuak: 25 € (egoera hau ziurtatzen duen agiria bidali beharko da posta elektronikoz)

Horrez gain, ostiralean afaria ere eskainiko da 35 euroren truke.

Ordainketa kontu honetan egin behar da, abonu-agirian izen-abizenak adierazita: Kutxabank: 2095 5092 02 1061308465

Informazio gehiago: oee@oeegunea.org / 944 042 720