Kulturbasque EHUk antolatuta, heriotzari buruzko 3 eguneko zine-foruma egongo da Bilboko Bizkaia Aretoan. 

Martxoaren 27an, 18:00etan,  ‘Monsieur Lazhar’ (Philippe Falardeau, 2011) filmea ikusteko aukera egongo da.

Sinopsia: Quebeceko lehen hezkuntzako eskola batean bere buruaz beste egin du irakasle batek. Ikasleei dolua egiten lagunduko die beste maisu batek, Aljeriatik bere dolu propioa eramanez.

Jatorrizko bertsioan (frantsesez) emango da euskarazko azpidatziekin (94 min.).

http://www.musicboxfilms.com/monsieur-lazhar-movies-2.php

Apirilaren 3an, 18:00etan, Karmele Jaioren liburuan oinarritutako ‘Amaren Eskuak’ (Mireia Gabilondo, 2012) filmea emango da.

Ama eta alaba, iraganaldia eta orainaldia, alzheimer, despertsonalizazioa, aldez aurretiko dolua... guzti horiek ukitzen ditu istorio honek.

95 minutuko emanaldia eta ondoren zuzendariarekin solasaldia.

http://www.amareneskuakfilma.com/eu/

Azkenik, apirilaren 10ean, 18:00etan,  ‘Aulki Hutsak’ proiektatuko da (Iñaki Peña, 2013).

Sinopsia: Zer gertatzen da maite duzun hori hiltzen denean

Bizipen pertsonalak eta esperientzia profesionalak biltzen ditu musika eta irudiez lagunduta.

EHUk diruz lagundutako dokumentala da eta 52 minutu irauten du. Ondoren, zuzendariarekin solasaldia izango da.

http://arteman.org/lanak/aulki-hutsak-dokumentala-heriotzari-buruz/