Hainbat medikuk Osakidetzan euskarak bizi duen bazterketa salatzeari ekin diote kontsultara joaten diren pazienteei egoeraren berri emanez.

Osakidetzako lehen mailako arreta unitateetako hainbat mediku Osakidetzak egiten dituen odol eta gernu analisien emaitzak gaztelera hutsean daudela salatzen hasi dira. Besteak beste, Durango (Landako) eta Debagoienako lehen mailako arreta unitateetako hainbat medikuk ekin diote euskararen bazterketa salatzeari. Salaketa pazienteei banan-banan eskura emandako idazki baten bidez egiten ari dira. Idazki horretan Osakidetzak egiten dituen analisien emaitzak, «gaztelera hutsean» ematen dituela jakinarazten dute eta Osakidetzak «legea» ez duela betetzen salatzen dute.

Osakidetzaren euskararen bazterketa salatzen ari diren mediku hauen esanetan «Mutualiak edozein paziente euskalduni odol analisien emaitzak euskaraz ematen dizkio; ez elebitan, euskara hutsean baizik. Hau da, enpresa pribatuek bai baina erakunde publikoak, Osakidetzak, ez du euskararik erabiltzen». Pazienteengana iristen ari den idazkia, batik bat, familiako mediku eta pediatren bitartez ari dira zabaltzen.

Irakurri osorik hemen