Debagoieneko osasun publikoan euskara bermatzeko asmoz, Debagoieneko ESI Osakidetzako II Euskara Planari atxikitu zaio. Batetik, Debagoieneko ESIren helburua bertako kideen euskararen ezagutza bermatzea da. Bestetik, erabilerari dagokionez jauzi bat eman nahi dute paziente eta erabiltzaileekin ematen diren harremanetan, nahiz ESI barneko harremanetan.

Aurreko plangintzan Debagoieneko ESlko lanpostuen %34tan zen derrigorra euskara jakitea; II. Plan honen helburua, ordea, 5 urteren buruan lanpostuen %64k derrigortasuna izatea da. Hori horrela, Osakidetzako II. Euskara Planak finkatzen dituen minimoetatik askoz haratago jarri da helmuga. Ondorioz, lanpostu horiek betetzera datozenek egiaztatuta izan beharko dute dagokien hizkuntza-eskakizuna,.