Osakidetzan historia kliniko elebiduna izatea lehentasuna izango da, euskara normalizatzeko 2013-19 planaren arabera. Ordea, hori hala izan dadin araudi berezia egiteari uko egin dio Eusko Legebiltzarrak. EAJk eta PSE-EEk bat egin dute Osakidetzako Euskararen Erabilera Normalizatzeko II. Planaren baliagarritasuna aldarrikatzeko eta historia klinikoa euskaraz izateko eskubideari buruzko araudi zehatza ukatzeko.

Historia klinikoaren garapena legez arautzeko eskatu du Rebeka Uberak, EH Bilduko legebiltzarkideak, Eusko Legebiltzarreko Osasun Batzordean. Euskal hiztunen hizkuntza eskubideak bermatze aldera, osasun profesionalek historia klinikoa euskaraz izateko aukera arautzeko proposatu du. Horretarako, euskaraz aktibatuta dauden euskarri informatikoen erabilera zabaltzea galdegin du, baita historia klinikoa euskaraz jasotzearen garrantzia azaleratzeko sentsibilizazio kanpaina bat egitea ere.

Irakurri osorik Berria.infon