Odol analisien probak euskaraz jartzeko lanean ari da Osakidetza, Jon Darpon Eusko Jaurlaritzako Osasun sailburuak jakitera eman duenez. Ez du egunik jarri, baina zehaztu du analisien eskariak ele bitan jartzeko helburua jasoa dagoela laborategien planean. «Txostenetako atalak —goiburua, atalburuak— ele bitan jarriko dira hemendik aurrera». Laborategiko proben katalogoa ere itzultzen ari dira. Osakidetzako zenbait langile hasi ziren, udazkenean, odol analisiak eta bestelakoak euskaraz jartzeko eskatzen.