Berriak
Ordezko mediku edo erizain elebiduna izateko eskaera
2014-10-21
Aurten, udako ordezkapenetan, zenbait herritan ordezko mediku euskalduna jartzea lortu da, oztopoak oztopo. Herritarren kexek eta medikuen eskariek zerikusi zuzena izan dute horretan.
Horiek horrela, uste dugu garrantzitsua dela osasun profesional euskaldunek beraien oporraldian ordezko elebiduna eskatzea, batez ere, herri euskaldunetan jarduten duten kasuetan.
Egoera hori kontuan hartuta, mediku edo erizainen batek bere oporraldian (orain Gabonak datoz) ordezko profesional elebiduna eskatu nahiko balu, erantsitako eskaera-orria erabil dezake, eta gero, dagokion pertsona edo sailari helarazi (Pertsonaleko zuzendaritza...).
Hala egiten dutenei, eskertuko genieke eskaera onartua izan den ala ez guri jakinaraztea. Horrela, jarraipen orokor bat egingo genuke: zenbat eskaera egon diren eta zenbat lortu diren eta non.
Ea denon artean ordezkoak izendatzean ere erabiltzaile euskaldunak kontuan hartzea lortzen dugun!
Utzi zure iruzkina
Azken Berriak
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
ELA sindikatuak elkarretaratzea egin du astelehen honetan Osakidetzak Gasteizen duen egoitzaren aurrean. Osasun zerbi...
Euskararen pizkunde akademikoa: euskarak unibertsitatea behar du, eta unibertsitateak euskara
UEUk bere 54. Udako Ikastaroen hasiera-jardunaldian euskarak unibertsitatean duen egoera aztertu du, bereziki irakaskuntzan eta ikerketan. Nahiz eta euskaraz ikasteko aukerak handitu diren zenbait unibertsitatetan, euskarazko ikerketa eta ekoizpen zient...
