Berriak
Bertso Saio klinikoa Bilbon
2014-10-22
Urtero legez, OEEk eta Bizkaiko Medikuen Elkargoak Bertso Saio Klinikoa antolatu dute azaroaren 20rako (osteguna). Iaz bezala, Kalderapekon izango da eta Arkaitz Estiballes eta Fredi Paia bertsolariak arituko dira bertsotan.
Bertso-saioaren mekanika urterokoa izango da: txapelketa gisara jokatuko da, kanporaketa-sistema bidez. Bertsolariek kanporaketa-saio bakoitzean bertso-kopuru jakin bat kantatuko dute eta taldeek idatziz bertso bakoitzak aipatzen duen diagnostikoa edo hitza asmatu beharko dute. Bi talde sailkatuko dira finalera eta hauek izango dira azken lehia jokatuko dutenak.
Bertso saioa arratsaldeko 19:00etan izango da, eta ostean afaria ere egongo da, 30 euroren truke. Ekimena osasun arloko langile eta ikasle orori zuzenduta dago, eta izena eman nahi duenak meuskarabatzordea@gmail.com helbidearen bidez egin dezake.
Animatu eta eman izena!
Utzi zure iruzkina
Azken Berriak
Osasunaldiaren 4. edizioan aurkeztutako lanen laburpenak irakurgai daude jada Osagaiz aldizkarian
Euskara zu zara
