Honezkero jakingo duzuen bezala, datorren apirilaren 17 eta 18an egingo dugu osasuna eta kirola uztartuko dituen Osasun Biltzarra, Gasteizko EHUko Jarduera Fisiko eta Kirolaren Zientzietako Fakultatean.

Komunikazioak aurkezteko epea otsailaren 8ra arte luzatu dugu. Horrenbestez, oraindik garaiz zabiltzate zuen ahozko komunikazio edo posterrak aurkezteko. Gogoratu biltzarraren gaiarekin (osasuna eta jarduera fisikoarekin) lotuta dauden komunikazioak hobesten direla, baina osasun-alorreko bestelako gaiak ere onargarriak izan daitezkeela.