ELA sindikatuko ordezkaria den Juan Antonio Korta, Osakidetzako Giza Baliabideetako Jose Mari Armentia zuzendariari:

...

Osakidetzan Euskararen Erabilera Normalizatzeko 2. Plana onartu zenetik, ELAk bere burua hainbatetan eskaini du zuzendaritzarekin euskarari buruzko akordio bat lortzeko. Guk akordioa hiru elementu nagusiren gainean eraiki nahi izan dugu: formazioa (bereziki, Osakidetzan egunero lanean ari diren 10.000 behin-behineko langileei begira), hizkuntza eskakizunak ezartzeko epe luzeko kronograma zehatza adostea (langile guztiek hurrengo hamar urteetan zer gertatuko den jakin behar dute egoera horretarako presta daitezen), eta behin-behineko kontratazioan euskararen inguruko irizpideak adostea.

Jose Mari, lan apur bat hartu dut ni izandako bileretan eskaintza hau zenbatetan egin dudan aztertzeko. Gutxienez bederatzi aldiz egin dut eskaintza hori mahai sektorialetan, zuekin izandako bitariko bileretan eta Euskara Batzorde Korporatiboan. Eskaintza ez duzu momentu batean ere onartu, eta ez da inolako negoziaziorik izan.

...